معاہدے کے باوجود سیریز سے انکار پر بھارت کیخلاف قانونی چارہ جوئی ،آئی سی سی سے مالی نقصان کے مطالبے کا پروگرام بنا رہے ہیں‘ شہریار خان
ہم بھارت کیساتھ کھیلنے کو تیار ہیں، ہمارا واضح موقف ہے کھیل ،سیاست کو الگ ہونا چاہیے ، بھارت کے اقدام پر کھیلوں کی تمام فیڈریشنوں کیساتھ مل کر مشترکہ لائحہ عمل بنائینگے ،یقینی طور پر بھارتی حکومت نے قومی ہاکی جونیئر ٹیم کو کھیلنے کی اجازت نہیں دی ہو گی چیئرمین پی سی بی کی قذافی اسٹیڈیم میں میڈیا سے گفتگو ،ڈس ایبل کرکٹرز کیلئے 5لاکھ روپے ،ویل چیئر کرکٹرز کیلئے 2لاکھ روپے فنڈ کا اعلان
جمعہ 2 دسمبر 2016 21:27
(جاری ہے)
بھار تی کرکٹ بورڈ ہم سے کھیلنا چاہتا تھا لیکن وہاں کی حکومت نے کلیئرنس نہیں دی ۔
اسی طرح یقینا بھارت میں ہونے والے جونیئر ورلڈ کپ میں بھارتی ہاکی فیڈریشن تو پاکستان کو مدعو کرنا چاہتی ہو تی لیکن بھارتی حکومت نے رکاوٹ ڈالی ہوگی ۔انہوں نے کہا کہ دونوں ممالک کے عوام کرکٹ اور ہاکی سمیت دیگر کھیلوں کے مقابلے دیکھنا چاہتے ہیں اس لئے کھیل اور سیاست کو الگ الگ ہونا چاہیے ۔ ہاکی سمیت کھیلوں کی دیگر فیڈریشنوں کے ساتھ بھارت کے ساتھ کھیلوں کے معاملہ پر مشترکہ پوزیشن لیں گے او رجو بھی مشترکہ لائحہ عمل طے کیا جائے گا اس پر عمل کیا جائے گا ۔انہوں نے کہا کہ پاکستان کرکٹ بورڈ نے بگ تھری معاہدے پر اس وعدے پر دستخط کئے تھے کہ بھارت پاکستان کے ساتھ سیریز کھیلے گا لیکن دو سال کا عرصہ گزرنے کے باوجود کوئی سیریز نہیں ہو رہی۔ اب ہم نے اس معاہدے کو لے کر آئی سی سی میں جانے میں کا فیصلہ کیا ہے کیونکہ بھارت کا اثر و رسوخ ہونے کے باوجود ہماری بھی سنی جاتی ہے ۔ہم بھارت کے ساتھ کھیلنے کے لئے تیار ہیں لیکن بھارتی کرکٹ بورڈ کا موقف ہے کہ انہیں حکومت کی جانب سے کلیئر نس نہیں دی جاتی ۔بی سی سی آئی نے ہمارے ساتھ آٹھ سالوں میں چھ کرکٹ سیریز کھیلنے کا معاہدہ کیا لیکن کوئی سیریز نہیں کھیلی گئی اس لئے ہم قانونی چارہ جوئی کا پروگرام بنا رہے ہیں اور آئی سی سی سے نقصان کا مطالبہ کریں گے۔انہوں نے کہا کہ بنگلہ دیش پریمئر لیگ میں پاکستانی کھلاڑیوں کا کوئی سکینڈل سامنے نہیں آیا، پرستاروں کا کمرے میں آنا سکیورٹی والوں کا قصور ہے، کھلاڑی کا نہیں۔ جب پی سی بی کو واقعہ کی رپورٹ ملے گی تو پھر اسے دیکھیں گے ۔شہریار خان نے کہا کہ مصباح الحق جب یہاں آئے تھے تو ان کے ساتھ بہت سے معاملات پر بات ہوئی تھی اور انہیں کم از کم ایک سال مزید کپتانی کرنے کا کہا ہے کیونکہ ان کی موجودگی سے نئے لڑکوں کو سیکھنے کا موقع ملے گا۔وقت آنے پر دیکھا جائے گا کہ مصباح کا متبادل کون ہوگا۔ایک سوال کے جواب میں انہوں نے کہا کہ نیوزی لینڈ کے خلاف سیریز میں قومی ٹیم کو تیاری کا موقع نہیں مل سکا ۔سائیڈ میچ بھی وائٹ واش ہوگیا تھا ۔سلیکشن کمیٹی کے معاملات میں دخل نہیں دیتا ، سلیکشن کمیٹی خود کپتان اور کوچ سے مشاورت کے بعد ٹیم کا اعلان کرتی ہے ۔ علاوہ ازیں پی سی بی چیئرمین نے ڈس ایبل کرکٹرز کیلئے 5لاکھ روپے جبکہ ویل چیئر کرکٹرز کیلئے 2لاکھ روپے فنڈ کا اعلان کیا ۔مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.