نئے ڈی جی آئی ایس پی آر میجر جنرل آصف غفور نے عہدے کا چارج سنبھال لیا

لیفٹیننٹ جنرل عاصم باجوہ کے تعاون کا شکریہ ،پاک فوج زندہ باد ، پاکستان پائندہ باد،میجر جنرل آصف غفور کا پہلا ٹویٹ ل 7ماہ تک پاک فوج کا ترجمان رہنے پر فخر ہے ، ہم دنیا کی بہترین قوم ہیں ،ہماری مسلح افواج ناقابل تسخیر ہیں ،سب کا بالخصوص میڈیاکے غیر متذلزل حمایت پر شکریہ ، سابق ڈی جی آئی ایس پی آر لیفٹیننٹ جنرل عاصم سلیم باجوہ

اتوار 25 دسمبر 2016 19:20

راولپنڈی(اُردو پوائنٹ اخبارتازہ ترین - آئی این پی۔ 25 دسمبر2016ء) پاک فوج کے شعبہ تعلقات عامہ آئی ایس پی آر کے نئے ڈی جی میجر جنرل آصف غفور نے عہدے کا چارج سنبھال لیا ، اپنے پہلے ٹوئٹ میں انہوںنے سابق ڈی آئی ایس پی آر لیفٹیننٹ جنرل عاصم سلیم باجوہ کی خدمات کو خراج تحسین پیش کرتے ہوئے کہاکہ پاک فوج زندہ باد ، پاکستان پائندہ باد ۔ تفصیلات کے مطابق پاک فوج کے نئے ترجمان میجر جنرل آصف غفور نے ڈی جی آئی ایس پی آرکے عہدے کا چارج سنبھال لیا ۔

میجر جنرل غفور نے سماجی رابطوں کی ویب سائٹ پر اپنے پہلے ٹوئٹ میں کہا لیفٹیننٹ جنرل عاصم باجوہ کے تعاون کا شکریہ ، عاصم سلیم کی خدمات قابل تعریف ہیں ۔انہوں نے ٹوئٹ میں مزید کہا کہ پاکستانی مسلح افواج زندہ باد، پاکستان زندہ باد۔

(جاری ہے)

جبکہ سابق ڈی جی آئی ایس پی آر لیفٹیننٹ جنرل عاصم سلیم باجوہ نے میڈیا کے تعاون پر شکریہ ادا کرتے ہوئے کہا کہ 4سال 7ماہ تک پاک فوج کا ترجمان رہنے پر فخر ہے ، ہم دنیا کی بہترین قوم ہیں ،ہماری مسلح افواج ناقابل تسخیر ہیں ،سب کا بالخصوص میڈیاکے غیر متذلزل حمایت پر شکریہ ۔

انہوں نے کہا کہ پوری دنیا پاک فوج کی مہارت کو تسلیم کرتی ہے ،دہشت گردی کے خلاف جنگ میں پاک فوج کا نمائندہ بننے پر فخر ہے ،عاصم سلیم باجوہ نے نئے ڈی جی آئی ایس پی آر کے لئے نیک خواہشات کا اظہاربھی کیا۔(ار)