پاناما لیکس اور کرپشن کے معاملے پیپلز پارٹی سمیت دیگر اپوزیشن جماعتیں حکومت کے خلاف تحریک چلاتی ہیں تو تحریک انصاف ساتھ دے گی ،ملک کا سب سے بڑا مسئلہ کرپشن ہے، پاناما لیکس کے معاملے پر انصاف نہ ملا تو دوبارہ حکومت کے خلاف سڑکوں پر آئیں گے، حکومت مخالف تحریک کیلئے پیپلز پارٹی نے تحریک انصاف سے کوئی رابطہ نہیں کیا، جب رابطہ ہو گا تو مشاورت سے جواب دیںگے،لوگوں کو رینجرز اور ملٹری کورٹس سے بہت امید ہے،ا ن کو انصاف ملے گا، تحریک انصاف کے کارکن فضل رحیم کے قاتل اگر گرفتار نہیں کیے گئے تو کراچی میںبھرپور احتجاج کیا جائیگا، جنید جمشید ایک عظیم انسان تھے، ان کی خدمات ہمیشہ یاد رکھی جائیں گی
چیئرمین پاکستان تحریک انصاف عمران خان کا ضلع وسطی کراچی میں پارٹی کی رکنیت سازی مہم کا افتتاح ،معروف نعت خواں جنید جمشید، مقتول کارکن فضل رحیم کے اہل خانہ سے تعزیت کے بعد مختلف مقامات پر میڈیا سے گفتگو
جمعرات 29 دسمبر 2016 21:55
(جاری ہے)
جنید جمشید ایک عظیم انسان تھے۔
ان کی خدمات ہمیشہ یاد رکھی جائیں گی،وہ جمعرات کوجمعرات کو ضلع وسطی میں تحریک انصاف کی رکنیت سازی مہم کے افتتاح ، امام بارگاہ باب العلم کے دورے تحریک انصاف کے مقتول کارکن فضل رحیم کے گھر پر پٹیل پاڑہ میں تعزیت اور معروف نعت خواں جنید جمشید کے گھر پر ان کے اہل خانہ سے تعزیت کے بعد مختلف مقامات پر میڈیا سے گفتگو کررہے تھے،عمران خان نے ضلع وسطی میں تحریک انصاف کی رکنیت مہم کے کیمپ کا افتتاح کیا،وہ افرا تفری کے سبب ضلعی دفتر کا افتتاح کیے بغیر ہی روانہ ہو گئے، عمران خان نے باب العلم امام بارگاہ کا بھی دورہ کیا۔ جہاں انہوں نے مولانا شہنشاہ حسین نقوی سے ملاقات کی، مولانا شہنشاہ حسینی نے ان کے ہاتھ پر امام ضامن باندھا اور خیبرپختونخوا میں اہل تشیع برادری کے مسائل سے آگاہ کیا۔ بعد ازاں عمران خان پٹیل پاڑہ میں پی ٹی آئی کے مقتول کارکن فضل رحیم کے گھر گئے ، جہاں انہوں نے ان کے اہل خانہ سے تعزیت کی۔ فضل رحیم شاہراہ فیصل پر فائرنگ کے ایک واقعہ میں جاں بحق ہو گئے تھے۔ عمران خان ممتاز نعت خواں جنید جمشید کے گھر بھی گئے اور وہاں انہوں نے ان کے بھائی ہمایوں جمشید سے ملاقات کی اور جنید جمشید کے انتقال پر تعزیت اور فاتحہ خوانی کی۔ مختلف مقامات پر میڈیا سے بات چیت کرتے ہوئے عمران خان نے کہا کہ ملک کے حکمران نا اہل اور بدعنوان ہیں۔ ملک میں جب تک عدل نفاذ نہیں ہو گا ، مسائل حل نہیں ہوں گے۔ ملک سب کا گھر ہوتا ہے۔ جب کرپشن ہو گی اور پیسہ کیا جائے گا تو ملک غریب سے غریب تو ہو جائے گا۔ حکمران پاکستان کا یہی حال کر رہے ہیں۔ ملک چلانے کے لیے پیسہ نہیں ہے۔ حکمران قرضے پر قرضہ لے رہے ہیں اور قومی ادارے گروی رکھ رہے ہیں۔ انہوں نے کہا کہ تحریک انصاف حکمرانوں کی کرپشن پر خاموش نہیں بیٹھ سکتی ہے۔ کرپشن صرف ہمارا نہیں ملک بھر کا مسئلہ ہے۔ ہم حکمرانوں کی کرپشن پر خاموش نہیں بیٹھیں گے۔ عمران خان نے کہا کہ سندھ میں پولیس سے لوگوں امید نہیں ہے۔ سندھ پولیس میں اصلاحات کی ضرورت ہے اگر پولیس ٹھیک ہو جائے گی تو رینجرز کی ضرورت نہیں رہے گی۔ انہوں نے کہا کہ کراچی میں رینجرز کے ٹارگیٹڈ آپریشن سے جرائم میں کمی ہوئی ہے۔ انہوں نے کہا کہ ٹارگٹ کلرز کے خلاف بھرپور ایکشن لیا جائے گا۔ ہمارے مقتول کارکن کے قتل کا مقدمہ ملٹری کورٹ میں چلایا جائے۔ ہم پی ٹی آئی کی زہرہ آپا کا کیس فالو کر رہے ہیں۔ ہمیں امید ہے کہ ان کے قاتلوں کو سزا ملے گی۔ انہوں نے کہا کہ جنید جمشید ایک عظیم انسان تھے۔ ان کی خدمات پر انہیں خراج عقیدت پیش کرتے ہیں۔ انہوں نے کہا کہ حویلیاں میں ہونے والے طیارہ حادثے شفاف تحقیقات ہونی چاہئیں۔ بعد ازاں عمران خان لیاری پہنچے جہاں انہوںنے ضلع جنوبی کے تحت پی ٹی آئی کے رکنیت سازی کیمپ کا افتتاح کیا،انہوںنے کہا کہ کراچی میں پی ٹی آئی کو تنظیمی سطح پر بھرپور انداز میں منظم کررہے ہیں اور آئندہ انتخابات میں پی ٹی آئی لیاری سمیت پورے شہر میں حیرت انگیز نتائج دیں گے۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.