متحدہ یکجہتی جلسہ ایم کیوایم (پاکستان ) کی تاریخ کو دہراتے ہوئے آغاز سے قبل ہی جلسہ کا پنڈال بھر چکا تھا

سڑکوں پر صرف سر ہی سر نظر آرہے تھے ، ایم اے جناح روڈ پر آنیوالی دیگر ذیلی سڑکوں سے آنیوالے قافلے پھنس کر رہ گئے

جمعہ 30 دسمبر 2016 23:22

کراچی (اُردو پوائنٹ اخبارتازہ ترین - این این آئی۔ 30 دسمبر2016ء) متحدہ یکجہتی جلسہ ایم کیوایم (پاکستان ) کی تاریخ کو دہراتے ہوئے آغاز سے قبل ہی نہ صرف جلسہ کا پنڈال بھر چکا تھا بلکہ اطراف کی گلیاں اور سڑکوں پر صرف سر ہی سر نظر آرہے تھے جبکہ ایم اے جناح روڈ پر آنیوالی دیگر ذیلی سڑکوں سے آنیوالے قافلے پھنس کر رہ گئے اور جلسہ گاہ تک پہنچنے کی جدوجہد کرتے رہے اس کے علاوہ پنڈال میں شرکاء کیلئے انتظامات کم پڑ گئے اور انسانوںکا ٹھاٹھیں مارتا سمندر کراچی کے تاریخی نشتر پارک میں امنڈ آیا جس نے 8اگست 1986ء کے پہلے کنونشن کی یاد تازہ کردی ۔