عمران خان اور سردار ممتاز بھٹو کے درمیان ملاقات،ملکی مجموعی سیاسی صورتحال ،خصوصاًً سندھ کے سیاسی حالات ،پیپلز پارٹی کی سندھ حکومت کی کارکردگی سمیت دیگر امور پر تبادلہ خیال

ہفتہ 31 دسمبر 2016 22:50

کراچی(اُردو پوائنٹ اخبارتازہ ترین - آئی این پی۔ 31 دسمبر2016ء) تحریک انصاف کے چیئرمین عمران خان سے ہفتہ کو سندھ نیشنل فرنٹ کے سر براہ سردار ممتاز بھٹو نے ڈیفنس میں ملاقات کی ،یہ ملاقات تحریک انصاف کے رہنماء علی زیدی کے گھر پر ہوئی،ملاقات میں ملکی مجموعی سیاسی صورتحال ،خصوصاًً سندھ کے سیاسی حالات ،پیپلز پارٹی کی سندھ حکومت کی کارکردگی سمیت دیگر امور پر تبادلہ خیال کیا گیا،عمران خان نے کہا کہ تحریک انصاف کا اب سیاسی مورچہ کراچی سمیت صوبے بھر میں ہوگا،جلد تحریک انصاف میں سندھ کی اہم شخصیات شامل ہو نگی۔

انہوں نے کہا کہ ہم ن لیگ کی کرپشن اور پانامہ لیکس کے معاملے پر خاموش نہیں بیٹھیں گے،پانامہ لیکس کا معاملہ اگر حل نہ ہوا تو ہم پھر سڑکوں پر آئیں،عمران خان اور ممتاز بھٹو نے اس بات پر اتفاق کیا کہ کرپشن کے خلاف مشترکہ جدو جہد جاری رکھی جائے گی۔

(جاری ہے)

بعدازاں صحافیوں سے گفتگو کرتے ہوئے عمران خان میرے دوست ہیں میرے گاوں بھی ملنے آئے تھے اور ہماری اس سے قبل بھی ملاقاتیں ہوتی رہیں گی۔

سندھ کو تباہ بر باد کیا جا راہ ہے اور خون پیا جا رہا ہے ، سندھ کو لوٹا جا رہا ہے،سندھ کے بغیر پاکستان نہیں چل سکتا ہے۔ سچے سیاستدانوں کی ضرورت ہے، انہوں نے کہا کہ پولیس اور انتظامیہ زرداری کے پیچھے بھاگ رہی ہے اور وہ بادشاہ بنا ہوا ہے۔ زرداری کہتا ہے کہ اور کوئی نہیں سب زرداری ہے۔بھٹو وٹو کچھ نہیں آب صرف زرداری ہے ۔چوروں اور ڈاکوں کے خلاف جو نکلے گا ہم اس کے ساتھ ہیں۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں