پانامہ کیس اگلے دو تین ہفتوں میں نمٹ جائے گا اس کیس کے مدعیوں کا مقصد مسئلہ حل کرنا نہیں بلکہ حکومتی ساکھ خراب کرنا ہے ،طوطا فال نکالنے والوں کی تمام پیشگوئیاں غلط ثابت ہوئیں ،حکومت کی چار سالہ کوششوں کے ثمرات اب سامنے آنے لگے ہیں ، معیشت اورتوانائی کے شعبوں میں ہماری ترقی کو دنیا تسلیم کر رہی ہے ، عالمی مالیاتی ادارے اور جرائد پاکستان کی ترقی کی پیشگوئیاں کر رہے ہیں، جاوید ہاشمی نے سچ بولنا شروع کیا تو عمران خان کو ان کا دماغ خراب نظرآنے لگا،وزیر دفاع خواجہ محمد آصف کا نجی ٹی وی کو انٹرویو
بدھ 4 جنوری 2017 23:31
(جاری ہے)
خواجہ آصف نے کہا کہ پانامہ کیس کل پاکستانی کا ایشو تھا نہ آج ہے ،ہم پر امید ہیں کہ یہ کیس عدالت سے ہی اختتام کو پہنچے گا ۔وزیردفاع نے کہا کہ حکومت کی چارسالہ مسلسل کوششوں کے ثمرات اب سامنے آنے لگے ہیں ،معیشت اور توانائی کے شعبوں میں ترقی ہو رہی ہے اور پاکستان کی ترقی کو پوری دنیا سراہتی ہے ،پاکستان سٹاک مارکیٹ دنیا میں چھٹے نمبر پر آگئی ہے اور طوطا فال نکالنے والوں کی تمام پیشگوئیاں غلط ثابت ہو رہی ہیں ۔
انہوں نے کہا کہ عالمی مالیاتی ادارے اور جرائد پاکستان کی ترقی کی پیشگوئیاں کر رہے ہیں ،ترقی کا یہ ماحول وزیراعظم اور انکی ٹیم کی خوداعتمادی میں اضافہ کر رہا ہے ،2017کے اختتام تک ہرچیز کے خدوخال سامنے آئیں گے،طوطا فال نکالنے والے بری طرح ناکام ہوگئے ،اگست ستمبر اور دسمبر کی باتیں پیچھے رہ گئیں اب خیریت سے 2017کا آغاز ہوچکا ہے اور خدا نے چاہا تو ہم اپنی مدت احسن طریقے سے پوری کریں گے ۔خواجہ آصف نے کہا کہ کچھ سیاستدان یا ادارے اپنے مقاصد پورے نہ ہونے پر سازشیں کرتے ہیں اور کچھ اداروں کے لوگ ذاتی مقاصد کے لئے جمہوریت کا خون کرتے ہیں ہم ابھی اس معاملے میں نہیں پڑنا چاہتے لیکن انصاف ضرور ہوگا بلکہ ہماری ترجیحات 2013کے ایجنڈے کی تکمیل ہے ۔انہوں نے کہا کہ سب نے دیکھا کہ وقت نے ڈکٹیٹر پرویز مشرف کے ساتھ کیا کیا ،کچھ لوگوں نے جوڈیشل کُو اور کچھ نے کسی اور کُو کی کوشش کی مگر اس وقت حکومت کی پہلی ترجیح صرف ترقیاتی ایجنڈے کی تکمیل ہے ۔وزیردفاع نے کہا کہ جاوید ہاشمی پہلے تحریک انصاف کے صدر رہ چکے ہیں انہوں نے سچ بولنا شروع کیا تو عمران خان کو ان کا دماغ خراب نظرآنے لگا پہلے سب جاوید ہاشمی کو باغی کہہ کر تحریک انصاف میں لائے جب اس نے عمران سے بغاوت کی تو اب انہیں اچھا نہیں لگ رہا ۔خواجہ آصف نے کہا کہ پہلے سیاستدان خود غیر جمہوری لوگوں کو دعوت گناہ دیتے ہیں مگر میں اس میں کسی ادارے کو الزام نہیں دوں گا،سیاست کی کالی بھیٹریں دوسرے اداروں کو خود غیر آئینی اقدامات کی دعوت دیتی ہیں ، اقتدار عرصے کے بعد ملتا ہے اس کے لئے غیر آئینی اقدام کی دعوت نہیں دینی چاہیے ۔بجلی سے متعلق ایک سوال کے جواب میں خواجہ آصف نے کہا کہ اس ماہ کے آخر تک بجلی کے کئی بڑے منصوبے کام کرنے لگیں گے ،جھمپر میں اسی ماہ 600میگاواٹ کے ونڈ پاور پلانٹ کا افتتاح ہوگا،چشمہ میں بھی اسی سال ایک اور ایٹمی بجلی گھر کا افتتاح کر دیا جائے گا اور نیلم جہلم ہائیڈل پراجیکٹ بھی اسی سال جزوی طور پر فعال ہو جائے گا ،2017پاکستانی عوام کیلئے خوشخبریوں کا سال ہوگا ،ڈیڑھ ارب ڈالرکی مٹیاری ٹرانسمیشن لائن کا آغاز بھی چند ہفتوں میں کر دیں گے ۔انہوں نے کہا کہ یقین دلاتا ہوں کہ نیپرا کا ریگولیٹری کردار حکومت کے تحت نہیں ہوگا اور نہ ہی حکومت نیپرا پر اثرانداز ہوگی ،خوامخوا اسے مسئلہ بنایا جارہا ہے ،ریگولیٹری اداروں کے تمام قوانین پارلیمنٹ سے منظور کرائیں گے ،حکومت کسی بھی ریگولیٹری ادارے پر اثر انداز ہونے کی خواہش نہیںرکھتی ۔وزیردفاع نے کہا کہ اس سال کے آخر تک لوڈشیڈنگ میں نمایاں کردی جائے گی جن علاقوں میں بل ادا نہیں کئے جاتے وہاں لوڈشیڈنگ کرنا ہماری مجبوری ہے ،تمام واجبات اداکرنے والوں کو بلاتعطل بجلی فراہم کرنے کا یقین دلاتا ہوں ۔انہوں نے کہا کہ سرکلر ڈیٹ 600ارب روپے کا نہیں بلکہ 300ارب روپے کے قریب ہے ،ہم نے کسی کا قرضہ معاف نہیں کیا بلکہ پی ایس او کو ادائیگیاں کی ہیں ،میں تسلیم کرتا ہوں کہ مالی مشکلات ہیں لیکن سرکلر ڈیٹ ضرور کم کردیں گے ،ہم نے اڑھائی سال کے دوران صارفین کو 171ارب روپے کی سبسڈی دی ۔خواجہ آصف نے کہا کہ رواں سال گرمیوں میں لوڈشیڈنگ انتہائی کم ہوجائے گی اور زیادہ تر علاقوں میں لوڈشیڈنگ ریکوری کے تناسب سے کی جائے گی ۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.