اوگرا اور نیپرا سمیت 5 اتھارٹیز کو ماتحت کرنے کیخلاف درخواست، وفاقی حکومت سے 20 جنوری کو جواب طلب

منگل 10 جنوری 2017 17:54

لاہور(اُردو پوائنٹ اخبارتازہ ترین - آن لائن۔ 10 جنوری2017ء) ہائیکورٹ نے اوگرا اور نیپرا سمیت 5 اتھارٹیز کو ماتحت کرنے کیخلاف درخواست پر وفاقی حکومت سے 20 جنوری تک جواب طلب کر لیا ہے۔

(جاری ہے)

تفصیلات کے مطابق لاہور ہائیکورٹ میں اوگرا اور نیپرا سمیت پانچ اتھارٹیز کو ماتحت کرنے کے خلاف درخواست کی سماعت ہوئی۔ درخواست گزار نے موقف اختیار کیا ہے کہ اتھارٹیز کو وزارتوں کے ماتحت کرنے کی کابینہ سے منظوری نہیں لی گئی ہے۔ ذرائع کے مطابق لاہور ہائیکورٹ نے س معاملے پر وفاقی حکومت سے 20 جنوری تک جواب طلب کر لی ہے جبکہ آئینی نکات کی تشریح کیلئے اٹارنی جنرل کو بھی پیش ہونے کا حکم دیا ہے۔۔