چیئرمین سینیٹ کا باچا خان انٹر نیشنل ایئر پورٹ پشاور کی خستہ حالی کا نوٹس ، معائنے کیلئے خصوصی کمیٹی قائم کردی
باچا خان ہوائی اڈے کی حالت زار کی بہتری کیلئے 3 ارب روپے مختص کر دئیے گئے، اس پر کام بھی شروع ہو چکا ہے ، وفاقی وزیر پارلیمانی امور شیخ آفتاب احمد کا توجہ دلائو نوٹس پرجواب
بدھ 11 جنوری 2017 20:02
(جاری ہے)
وفاقی وزیر پارلیمانی امور شیخ آفتاب احمد نے اعتراف کیا کہ حالت زار کے بارے میں یہ توجہ درست ہے بہتری کے لئے اقدامات شروع کر دئیے گئے ہیں اور اب تک پندرہ کروڑ 70 لاکھ روپے خرچ کئے جاچکے ہیں ۔
ہوائی اڈے کے حواے سے مشکلات سے آگاہ ہیں جس کی وجہ سے تین ارب روپے مزید مختص کر دئیے گئے ہیں۔ا س رقم سے ہوائی اڈے کے حال میں ائرکنڈیشنڈ اور دیگر سہولیات کی دستیابی کو یقینی بنایا جائے گا۔ یہ ہوائی اڈا 1927 ء میں قائم ہوا تھا اس کی کل اراضی 574 ایکٹر ہے جس میں صرف 27 ایکٹر سول ایوی ایشن کے پاس ہے جس پر ائرپورٹ کی عمارت اور رن وے بنے ہوئے ہیں باقی زمین فوج کے پاس ہے وہی ان زمینوں کو استعمال کر رہی ہے۔ اس معاملے پر سپیشل کمیٹی بنانے کی تجویز سے متفق ہوں ۔ سول ایوی ایشن کے سیکرٹری اور دیگر حکام کمیٹی کے ہمراہ معائنے کے لئے ہوائی اڈے کے دورے کے لئے تیار ہیں۔ چئیرمین سینٹ نے رولنگ دی کہ اس معاملے پر خیبر پختوں خوا سے تعلق رکھنے والے اراکین پر مشتمل خصوصی کمیٹی قائم کی جائے گی۔ کمیٹی ہوائے اڈے کا معائنہ بھی کر سکے گی اور اس کی توسیع کے بارے میں سفارشات بھی پیش کر سکے گی۔ قبل ازیں وزیر صنعت و پیداوار مرتضٰی جتوئی نے بدھ کو سینٹ میں بیان دیتے ہوئے کہا کہ یوٹیلیٹی سٹورز کارپوریشن دو سے تین ماہ میں منافع بخش ادارہ بن جائے گا۔ بورڈ کی منظوری سے کارپوریشن میں جلد نئی بھرتیوں کا سلسلہ شروع ہو جائے گا۔ کارپوریشن کی آمدن بتدریج بڑھ رہی ہے۔ اس امر کا اظہار انہوں نے ایوان بالا میں سینٹر میاں محمد عتیق شیخ اور سینٹر محمد عثمان کاکڑ کی جانب سے یوٹیلیٹی سٹورز کارپوریشن کی جانب سے 2015 ء اور 2016 ء میں تقرریوں کے لئے این ٹی ایس کے امتحانات سے متعلق تحریک پر بحث سمیٹتے ہوئے کیا۔ انہوں نے کہا کہ یوٹیلیٹی سٹورز کارپوریشن کی آمدن میں اضافہ شروع ہو گیا ہے ۔ آئندہ دو تین ماہ میں کارپوریشن کا منافع شروع ہونے کا قومی امکان ہے ۔ انہوں نے کہا کہ این ٹی ایس کے تحت امتحان ہوا تھا اور فیس وصول کی گئی تھی تاہم اس وقت خسارے کی وجہ سے بورڈ نے بھرتیوں کی منظوری نہیں دی۔ ان آسامیوں کو دو بار مشتہر کیا گیا تھا۔ اب جبکہ آمدن بڑھ گئی ہے بورڈ کی منظوری سے این ٹی ایس کے تحت امتحان دینے اور فیس جمع کرانے والے امیدواروں سے بھرتیوں کی سلیکشن کی جائیگی۔متعلقہ عنوان :
مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.