صدر ، و زیر اعظم ، چیئرمین ڈپٹی چیئرمین سینیٹ ، سپیکروڈپٹی سپیکر قومی اسمبلی ، وزیر اعلیٰ پنجاب،آرمی چیف اورمختلف سیاسی و سماجی شخصیات کا گورنر سندھ جسٹس (ر) سعید الزمان صدیقی کی وفات پر افسوس کا اظہار
بدھ 11 جنوری 2017 20:36
(جاری ہے)
تفصیلات کے مطابق بدھ کو وزیر اعظم نے گورنر سندھ کے انتقال پر گہرے دکھ اور افسوس کا اظہار کیا اور کہا کہ مرحوم کی قانون کی بالادستی کیلئے خدمات ہمیشہ یاد رکھی جائیں گی۔ بحیثیت جج انہوں نے اصولوں پر کبھی سمجھوتہ نہیں کیا۔ غیر جمہوری عناصر کیخلاف ان کی مزاحمت اور قربانیاں بے مثال ہیں۔
صدر ممنون حسین نے بھی گورنر سندھ کے انتقال پر افسوس کا اظہار کرتے ہوئے کہا کہ سعید الزمان صدیقی کی خدمات کو فراموش نہیں کیا جاسکتا۔ ممنون حسین نے کہاکہ مرحوم جسٹس (ر) سعید الزماں صدیقی نے آئین کی بالادستی کو ہمیشہ مقدم رکھا اور ان کی خدمات کو تاریخ میں سنہری الفاظ میں یاد رکھا جائے گا۔صدر مملکت نے مرحوم کے اہل خانہ سے تعزیت کی اور مرحوم کے درجات کی بلندی کے لئے دعا بھی کی۔انہوں نے کہاکہ جسٹس (ر) سعید الزمان صدیقی ہمیشہ اصولوں پر کاربند رہے۔ وزیر اعلیٰ سندھ سید مراد علی شاہ نے گورنر سندھ کی وفات پر ایک ر وزہ سوگ کا اعلان کر دیا اور ان کے انتقال پر گہرے دکھ کا اظہار کیا۔ وزیر داخلہ چوہدری نثار علی خان نے سعید الزمان صدیقی کے انتقال پر افسوس کا اظہار کیا ہے۔ سپیکر قومی اسمبلی سردار ایاز صادق اور ڈپٹی سپیکر مرتضیٰ جاوید عباسی نے بھی گورنر کے انتقال پر دکھ کا اظہار کیا ہے اور کہا ہے کہ آئین کی بالادستی کیلئے سعید الزمان صدیقی کی خدمات یاد رکھی جائیں گی۔چیئرمین سینیٹ میاں رضاربانی نے گورنر سندھ جسٹس (ر)سعید الزماں صدیقی کے انتقال پر گہرے دکھ اور افسوس کا اظہار کیا ہے۔ انہوں نے مرحوم جسٹس (ر)سعید الزماں صدیقی کی خدمات کو خراج عقیدت پیش کیا۔ چیئرمین سینیٹ میاں رضاربانی نے دعا کی کہ اﷲ تعالیٰ مرحوم کو جوار رحمت میں جگہ دے اور لواحقین کو یہ صدمہ برادشت کرنے کی توفیق عطا فرمائے۔ ڈپٹی چیئرمین سینیٹ مولانا عبدالغفور حیدری، سینیٹ میں قائد ایوان راجہ محمد ظفرالحق اور سینیٹ میں قائد حزب اختلاف اعتزاز احسن نے بھی گورنر سندھ جسٹس (ر)سعید الزماں صدیقی کی خدمات کو سراہا۔اور ان کے درجات کی بلندی کی دعا بھی کی۔ وزیر مملکت برائے اطلاعات مریم اورنگزیب نے سعید الزمان صدیقی کے انتقال پر تعزیت کا اظہار کیا۔ و زیر اعلیٰ پنجاب شہباز شریف نے سعید الزمان صدیقی کے انتقال پر دکھ اور افسوس کا اظہار کیا ہے۔ انہوں نے سوگوار خاندان سے دلی ہمدردی کا اظہار کرتے ہوئے کہا ہے کہ سعید الز مان صدیقی کے انتقال سے پاکستان محب وطن شخصیت سے محروم ہو گیا ہے۔ ان کی ملک و قوم کیلئے خدمات تادیر یاد رکھی جائیں گی۔سابق صدر آصف علی زرداری ، پیپلز پارٹی کے شریک چیئرمین بلاول بھٹو زرداری ، تحریک انصاف کے سربراہ عمران خان ، امیر جماعت اسلامی سینیٹر سراج الحق ، جے یو آئی (ف) کے سربراہ مولانا فضل الرحمن ،مسلم لیگ (ق) کے صدر و سابق وزیراعظم چودھری شجاعت حسین، سینئرمرکزی رہنما و سابق نائب وزیر اعظم چودھری پرویزالٰہی اور مونس الٰہی نے گورنر سندھ جسٹس (ر) سعید الزمان صدیقی کے انتقال پر دلی رنج و غم کا اظہار کیا ہے۔ مسلم لیگی قائدین نے کہا کہ انہوں نے بطور چیف جسٹس آف پاکستان بڑے اہم فیصلے کیے۔ انہوں نے سعید الزمان صدیقی کے درجات کی بلندی اور غمزدہ خاندان کیلئے صبرجمیل کی دعا کی ہے۔ آرمی چیف جنرل قمر جاوید باجوہ نے بھی سعید الزمان صدیقی کے انتقال پر افسوس کا اظہار کیا۔ وزیر اعلیٰ بلوچستان نوا ب ثناء اﷲ زہری ‘ گورنر بلوچستان محمد خان اچکزئی ‘ وزیر اعلیٰ خیبر پختونخوا پرویز خٹک اور گورنر کے پی کے اقبال ظفر جھگڑا نے بھی گورنر سندھ کے انتقال پر تعزیت کا اظہار کیا ہے۔ ……(رانا)متعلقہ عنوان :
مزید اہم خبریں
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.