فاروق عبداللہ کی حریت کانفرنس کے موقف کی حمایت ایک نئی تبدیلی ہے ، بھارت کو حقائق کا اداک کرتے ہوئے ہٹ دھرمی ترک کر کے کشمیریوں کو حق آزادی دینا ہوگا ، بھارت کے تمام تر حربوں کے باوجود تحریک آزادی کشمیر پورے عزم اور حوصلے سے جاری ہے،کشمیر میں دی جانے والی قربانیوں کے نتیجے میں کشمیریوں کو ضرور آزادی ملے گی

مسلم کانفرنس کے صدر سردار عتیق کی نیشنل پریس کلب کے نومنتخب عہدیداران کو مبارکباد دینے کے موقع پر صحافیوں سے گفتگو

جمعرات 12 جنوری 2017 23:03

اسلام آباد (اُردو پوائنٹ اخبارتازہ ترین - آئی این پی۔ 12 جنوری2017ء) آل جموں و کشمیر مسلم کانفرنس کے صدر و سابق وزیراعظم آزاد کشمیر سردار عتیق احمد خان نے کہا ہے کہ سابق وزیراعلیٰ مقبوضہ کشمیر فاروق عبداللہ کی طرف سے حریت کانفرنس کے موقف کی حمایت ایک نئی تبدیلی ہے ، بھارت کو حقائق کا اداک کرتے ہوئے ہٹ دھرمی ترک کر کے کشمیریوں کو حق آزادی دینا ہوگا ، بھارت کے تمام تر حربوں کے باوجود تحریک آزادی کشمیر پورے عزم اور حوصلے سے جاری ہے،کشمیر میں دی جانے والی قربانیوں کے نتیجے میں کشمیریوں کو ضرور آزادی ملے گی۔

وہ جمعرات کو نیشنل پریس کلب اسلام آباد کے نومنتخب عہدیداران کو مبارکباد دیتے ہوئے صحافیوں سے بات چیت کر رہے تھے ۔ اس موقع پر صدر نیشنل پریس کلب شکیل انجم، سیکرٹری عمران یعقوب ڈھلوں، سابق صدر پی ایف یو جے افضل بٹ، سینئر جوائنٹ سیکرٹری عابد عباسی، ممبر گورننگ باڈی راجہ بشیر عثمانی نے سردار عتیق احمد خان کا شکریہ ادا کیا۔

(جاری ہے)

سردار عتیق احمد خان کے ہمراہ ممبر آزاد کشمیر اسمبلی سردار صغیر چغتائی سابق وزیر حکومت راجہ یاسین خان، سردار عاصم عباسی، بشارت عباسی بھی موجود تھے۔

سردار عتیق احمد خان نے کہا کہ کشمیر میں دی جانے والی عظیم قربانیاں رائیگاں نہیں جائیں گی۔ ان قربانیوں کے نتیجے میں کشمیری آزادی حاصل کر کے رہیں گے۔ انہوں نے کہا کہ تحریک آزادی کشمیر کے ابلاغی محاذ پر پاکستانی صحافی اپنا کردار ادا کریں۔ مقبوضہ کشمیر میں ہونے والی انسانی حقوق کی پامالیوں کو اجاگر کیا جائے۔ انہوں نے کہا کہ کشمیری ہر روز اپنی جانوں کے نذرانے پیش کر کے پاکستانی ہونے کا ثبوت دیتے ہیں۔

کشمیریوں کی منزل آزادی اور پاکستان ہے۔ انہوں نے کہا کہ گزشتہ 6 ماہ سے مقبوضہ کشمیر میں کرفیو نافذ ہے۔ کشمیریوں نے طویل ترین احتجاج کی تاریخ رقم کر دی ہے۔ ڈیڑھ سو ارب خرچ کرنے کے باوجود مقبوضہ کشمیر میں کشمیریوں نے مودی کو ایک نشست بھی نہیں دی ہے۔ کشمیر پر تمام جماعتوں کو ایک پیج پر آنا ہوگا۔ انہوں نے کہا کہ مسئلہ کشمیر کو 12 مہینے میڈیا پر زندہ رکھنے کی ضرورت ہے۔ سردار عتیق احمد نے کہا کہ ہم تمام سیاسی جماعتوں کی مشاورت سے سیز فائر لائن توڑنے کا اعلان بہت جلد کریں گے۔(رڈ)

متعلقہ عنوان :