سوات سونامی کلب کی ٹیم سوات سپر فٹ بال لیگ کے سیمی فائنل میں پہنچ گئی

جمعہ 13 جنوری 2017 11:02

اسلام آباد ۔ (اُردو پوائنٹ اخبارتازہ ترین - اے پی پی۔ 13 جنوری2017ء) سوات سونامی کلب کی ٹیم سوات سپر فٹ بال لیگ کے کوارٹر فائنل میں دلاور شہید بانڈی کو 2-1 گول سے شکست دے کر سیمی فائنل میں پہنچ گئی۔

(جاری ہے)

کبل گرائونڈ پر کھیلے گئے میچ میں وقفے تک دونوں ٹیمیں 1-1 گول سے برابر تھیں دوسرے ہاف میں سوات سونامی نے گول کرکے مقابلہ 2-1 گول سے جیت لیا، فاتح ٹیم کی جانب سے شفیع اور ضیاء اللہ نے ایک، ایک گول کیا جبکہ دلاور شہید بانڈی کی جانب سے واحد گول انعام نے کیا، رکن تحصیل کونسل اور سوات سونامی کلب کے سیکرٹری حاجی نواب خان نے بتایا کہ سپر لیگ میں دس ٹیمیں شرکت کر رہی ہیں جن کو دو گروپوں میں تقسیم کیا گیا ہے اور سوات سونامی کی ٹیم اس سے اپنے گروپ بی میں نو پوائنٹس کے ساتھ سرفہرست ہے، سوات سونامی نے لیگ میں چار میچ کھیلنے ہیں اور اب تین میچوں میں کامیابی حاصل کر چکی ہے، پہلے میچ میں سیدوزلمی کے خلاف 2-0، دوسرے میچ میں نیک پی خیل کے خلاف 4-1 سے اور تیسرے میچ میں دلاور شہید بانڈی کے خلاف 2-1 سے کامیابی حاصل کی ہے اور اپنے گروپ میںاپنا لیگ کا آخری اور چوتھا میچ شہباز سٹار کے خلاف کھیلے گی۔