ججز نظر بندی کیس ، پرویز مشرف کو وطن واپسی پر فول پروف سیکیورٹی دینے کی درخواست منظور

پرویز مشرف وطن واپس آنا چاہتے ہیں،سیکیورٹی انتظامات مکمل کیے جائیں، وکیل سابق صدر

جمعہ 13 جنوری 2017 14:31

ججز نظر بندی کیس ، پرویز مشرف کو وطن واپسی پر فول پروف سیکیورٹی دینے ..

اسلام آباد (اُردو پوائنٹ اخبارتازہ ترین - آئی این پی۔ 13 جنوری2017ء) انسداد دہشتگردی کی عدالت نے ججز نظر بندی کیس میں پرویز مشرف کی وطن واپسی پر فول پروف سیکیورٹی دینے کی درخواست منظور کرتے ہوئے سیکرٹری داخلہ اور آئی جی اسلام آباد کو سیکیورٹی یقینی بنانے کا حکم دے دیا۔

(جاری ہے)

جمعہ کو انسداد دہشتگردی کی عدالت نے ججز نظر بندی کیس میں پرویز مشرف کو 9فروری تک پیش ہونے کا حکم دے دیا،عدالت نے کہا کہ آئندہ سماعت پر بھی پیش نہ ہوئے تو اشتہاری قراردیاجائے گا،پرویزمشرف وکیل کے ذریعے انسداد دہشتگردی عدالت میں درخواست دی کہ پرویز مشرف وطن واپس آنا چاہتے ہیں،سیکیورٹی انتظامات مکمل کیے جائیں،عدالت نے آئندہ سماعت پر سیکیورٹی انتظامات مکمل کرنے کا حکم دے دیا،عدالت نے سیکرٹری داخلہ اور آئی جی اسلام آباد کی سکیورٹی یقینی بنانے کا حکم دیا،پروسیکیوٹر نے کہاکہ وزارت داخلہ پہلے ہی پرویز مشرف کی سیکیورٹی کی یقین دہانی کراچکی ہے