اسلام آباد میں سرچ آپریشن، 11افراد گرفتار ،بھاری مقدار میں شراب، ہیروئن اور دیگر منشیات برآمد

جمعہ 13 جنوری 2017 23:13

اسلام آباد(اُردو پوائنٹ اخبارتازہ ترین - آن لائن۔ 13 جنوری2017ء) وفاقی پولیس اور دیگر قانون نافذ کرنے والے اداروں نے دارلحکومت میں سرچ آپریشن کے دوران بھاری مقدار میں شراب، ہیروئن اور دیگر منشیات برآمد کرتے ہوئے 11افرادکو گرفتار کر لیا ۔ ملزما ن کے قبضے سے 6 موٹر سائیکل بھی برآمد کر لئے گئے ۔

(جاری ہے)

تفصیلات کے مطابق وفاقی دارلحکومت اسلام آباد کے علاقے مہر آبادی اور بھیکا سیداں میں پولیس اور دیگر قانون نافذ کرنے والے اداروں نے مشترکہ سرچ آپریشن کرتے ہوئے 11 ملزمان کو گرفتار کر لیا ہے جبکہ ملزمان کے قبضے سے 46بوتل شراب ، ایک کلو 600گرام ہشیش ، 230گرام ہیروئن اور 6موٹر سائیکل بھی برآمد کر لئے گئے ہیں۔

تمام ملزمان کو تھانوں میں منتقل کر کے تفتیش کا آغاز کر دیا گیاہے۔وزارت داخلہ اور آئی جی اسلام آباد پولیس کی ہدایت پر وفاقی پولیس اور دیگر قانون نافذ کر نے والے اداروں نے مشترکہ سرچ آپر یشن کیا۔ سرچ آپریشن میں رینجرز اور انٹی ناکوٹیکس کے اہکاروں نے بھی حصہ لیا۔ مجموعی طور پر 200گھروں کی تلاشی لی گئی جہاں سی11 افراد کو گرفتار کر کے منشیات برآمد کی گئیں۔( مہر علی خان)