بینظیر انکم سپورٹ پروگرام کے تحت مستحق افراد میں شفاف طریقے سے نقد امداد تقسیم کی جا رہی ہے ، مستحق افراد میں فنڈز کی تقسیم میں تیسرے فریق کا کردار ختم کرنے کیلئے نیا نظام شروع کیا گیا ہے، سخت گرمی ہو یا منجمد کردینے والی سردیاں ، بی آئی ایس پی اپنے مستحقین کی خدمت کیلئے ہمیشہ موجود ہے ،بینظیر انکم سپورٹ پروگرام اپنے مستحقین کو عزت نفس، بااختیاری اور مقصد حیات فراہم کیلئے پُرعزم ہے ، سخت گرمی ہو یا منجمد کردینے والی سردیاں بی آئی ایس پی کمزور اور غریب افراد کی خدمت کیلئے ہمیشہ موجود ہے
چیئرپرسن بینظیرانکم سپورٹ پروگرام کی ماروی میمن کا سکردو، شگر اور خپلو میں ادائیگی مراکز اکے دورے کے دوران خطاب
ہفتہ 14 جنوری 2017 18:03
(جاری ہے)
گلگت بلتستان قانون ساز اسمبلی کے سپیکر فدا محمدناشادسکردو دورے میں چیئرپرسن بی آئی ایس پی کے ہمراہ تھے۔
بینظیر انکم سپورٹ پروگرام کی چیئرپرسن نے پروگرام سے مستفید ہونے والے افراد سے انہیں درپیش مشکلات کے بارے میں بھی پوچھا اور کہا کہ دوبارہ سروے مکمل ہونے کے بعد تمام مستحق خاندانوں کو پروگرام سے استفادہ کرنے والوں کی فہرست میں شامل کیا جائے گا۔ دوروں کا مقصد ادائیگی کے مراکز کی کارکردگی اور بینکوں کی جانب سے مستحقین کو بروقت رقوم کی مکمل ادائیگی کا معائنہ ، مستحقین سے ملاقات ، خدمات کی فراہمی اور بی آئی ایس پی کے صارفین کی دیکھ بھال کے حوالے سے عوام کی رائے جاننا تھا۔ بی آئی ایس پی نے حال ہی میں دسمبر کے آخری ہفتے میں سہ ماہی ادائیگیوں کی مد میں25ارب روپے جاری کئے ہیں۔ سکردو، شگر اور خپلو میں ڈیبٹ کارڈز کے ذریعے ادائیگیاں کی جاتی ہیں اس لئے چیئرپرسن بی آئی ایس پی نے مختلف اے ٹی ایمز اور پوائنٹ آف سیل کا دورہ کیا۔ چیئرپرسن نے بلتستان کے دور دراز علاقوں میں وظائف کی تقسیم کا معائنہ کیا۔ انہوں نے مستحقین کی رائے جاننے کیلئے ان سے بات چیت کی۔ انہوں نے مستحقین کو بتایا کہ وہ کسی بھی مشکل کی صورت میں بی آئی ایس پی کے ہاٹ لائن نمبر 080026477پر رابطہ کرسکتی ہیں۔چیئرپرسن بی آئی ایس پی نے شگر میں بی آئی ایس پی کی مستحق خواتین زبیدہ، فاطمہ، خدیجہ اور آمنہ بی بی کے گھروں کا بھی دورہ کیا۔ فاطمہ بی بی سے وانا میں انکے بیٹے کی شہادت پر تعزیت کرتے ہوئے ، انہوں نے کہا کہ ریاست ملک کیلئے اس عظیم قربانی پر فاطمہ بی بی کی احسان مند ہے۔ بعد ازں، انہوں نے خپلو میں بھی مستحق گھرانوں کا دورہ کیا اور بی آئی ایس پی کے حوالے سے انکی رائے جانی۔چیئرپرسن بی آئی ایس پی نے مقامی معززین کیساتھ ملاقاتیں بھی کیں۔ انہوں نے معززین علاقہ کو نئے غربت سروے کیلئے قومی سماجی و اقتصادی رجسٹری (NSER)اپڈیٹ کے متعلق بھی آگاہ کیا۔ انہوں نے کہا کہ ابتدائی مرحلے میں چار اضلاع میں سروے جاری ہے جہاں مستحق افراد کے اندراج کیلئے ڈیسکس قائم کئے گئے ہیں۔ 12اضلاع میں جلد گھر گھر سروے کا آغاز کردیا جائے جائے گا جس کے بعد ملک گیر سروے ہوگا۔مقامی معززین نے نئے سروے اور غربت اسکور کارڈ سروے سے متعلق اپنی تجاویز بھی پیش کیں۔ چیئرپرسن بی آئی ایس پی نے انہیں یقین دہانی کرائی کہ ان تحفظات تحریر کرلئے گئے ہیں اور انکا خیال رکھا جائے گا۔ چیئرپرسن بی آئی ایس پی نے کہا کہ بی آئی ایس پی اپنے ادائیگی کے نظام کو بائیومیٹرک تصدیق کے نظام (BVS)پر منتقل کررہا ہے۔ یہ نظام ادائیگی کو آسان بنائے گا اور مڈل مین کلچر کا خاتمہ کرے گا۔ اس وقت 83.9%مستحقین ڈیبٹ کارڈز کے ذریعے، 13%بائیومیٹرک نظام سے اور 3%مستحقین پاکستان پوسٹ کے ذریعے فنڈز وصول کررہے ہیں۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.