گلوکاری باقاعدہ ایک فن ہے ،اسکے رموز کو سمجھنے میں کئی دہائیاں لگ جاتی ہیں ‘ سائرہ نسیم

فلم کی موسیقی ابھی ختم نہیں ہمیں صرف معیار کو بہتر کرنے کی ضرورت ہے ‘ نامور گلوکارہ

اتوار 15 جنوری 2017 12:30

لاہور(اُردو پوائنٹ اخبارتازہ ترین - این این آئی۔ 15 جنوری2017ء) نامور گلوکارہ سائرہ نسیم نے کہا ہے کہ فلم کی موسیقی ابھی ختم نہیں ہمیں صرف معیار کی ضرورت ہے اور اگر ہم معیار بہتر کر لیں تو حالات اچھے ہو سکتے ہیں ۔ایک انٹر ویو میں گلوکارہ کا کہنا تھا کہ موسیقی جتنی بھی مارڈن ہو جائے غزل گائیکی کا انداز نہیں بدل سکتا۔

(جاری ہے)

ہمارے ہاں آج بھی بڑی خوبصورت آواز کے حامل غزل گائیک موجود ہیں جنہیں لوگ سننا چاہتے ہیں۔

انہوں نے کہا کہ میرے خیال میں ہمیں باقاعدہ منصوبہ بندی کر کے اپنی موسیقی کو ترقی دینے اور اسے عام لوگوں میں مقبول بنانے کے لیے از سر نو محنت کرنا ہو گی۔ سائرہ نسیم نے کہا کہ موسیقی میرے خون میں شامل ہے اور اس سے دوری کا سوچ بھی نہیں سکتی ۔ گلوکاری باقاعدہ ایک فن ہے اور اسکے رموز کو سمجھنے میں کئی دہائیاں لگ جاتی ہیں ۔