وزیراعظم ورلڈ اکنامک فورم میں شرکت کیلئے (آج )سوئٹرز لینڈ روانہ ہوں گے

وزیراعظم دورے کے دوران اقوام متحدہ کے نئے سیکرٹری جنرل انتانیو گوٹیرز سے بھی ملاقات کریں گے

اتوار 15 جنوری 2017 15:10

اسلام آباد(اُردو پوائنٹ اخبارتازہ ترین - آئی این پی۔ 15 جنوری2017ء) وزیراعظم نوازشریف ورلڈ اکنامک فورم میں شرکت کے لئے (آج ) پیر کو سوئٹرزلینڈ روانہ ہوں گے۔ دفترخارجہ سے جاری ہونے والے بیان کے مطابق وزیراعظم نوازشریف (آج ) پیر کو سوئٹرز لینڈ کے لئے روانہ ہوں گے جہاں وہ 17 سے 20 جون تک ڈیوس میں ہونے والے ورلڈ اکنامک فورم کے سالانہ اجلاس میں شرکت کریں گے۔

(جاری ہے)

دفتر خارجہ کے مطابق وزیراعظم نواز شریف کو ڈبلیو ای ایف کے اجلاس میں شرکت کی دعوت فورم کے ایگزیکٹو چئیرمین نے دی جب کہ اجلاس میں دنیا بھر سے 3 ہزار 200 مندوبین شرکت کررہے ہیں۔ وزیراعظم ڈیوس دورے کے دوران اقوام متحدہ کے نئے سیکرٹری جنرل انتانیو گوٹیرز اور کئی ممالک کے رہنماؤں سے ملاقات کے علاوہ دنیا بھر سے آئے 60 بڑے کاروباری افراد سے پاکستان میں سرمایہ کاری کے حوالے سے خطاب کریں گے ۔ فورم کا سالانہ اجلاس سترہ سے بیس جنوری تک سوئٹزر لینڈ کے شہر ڈیووس میں ہورہاہے۔ وزیراعظم نواز شریف اپنے دورے کے دوران مختلف ملکوں کے سربراہان اور کاروباری شخصیات سے ملاقاتیں کریں گے ۔ (ن غ)