ٹرمپ کی مہاجرین کے حوالے سے جرمن چانسلر کی ’’اوپن ڈور‘‘ پالیسی پرشدید تنقید

پیر 16 جنوری 2017 13:59

لندن ۔ (اُردو پوائنٹ اخبارتازہ ترین - اے پی پی۔ 16 جنوری2017ء) امریکا کے نومنتخب صدر ڈونلڈ ٹرمپ نے مہاجرین کے حوالے سے جرمن چانسلر انجلا میرکل کی ’’اوپن ڈور‘‘ پالیسی کو شدید تنقید کا نشانہ بنایا ہے۔ میڈیا رپورٹس کے مطابق دو یورپی اخباروں کو انٹرویو دیتے ہوئے انہوں نے میرکل کی پالیسی کو ایک ’’تباہ کٴْن غلطی‘‘ قرار دیا ہے۔

(جاری ہے)

ٹرمپ نے کہاکہ ان کے دل میں میرکل کی بہت زیادہ عزت ہے اور وہ اپنی صدارت کا آغاز اس ’’شاندار رہنما‘‘ پر اعتماد کے ساتھ کریں گے مگر شاید یہ اعتماد زیادہ دیر تک قائم نہ رہ سکے۔

نو منتخب امریکی صدر کا یہ بھی کہنا تھا کہ وہ عہدہ صدارت سنبھالنے کے چند ہفتوں کے اندر برطانیہ کو ایک تجارتی معاہدہ کی پیشکش کریں گے تاکہ بریگزٹ کو ایک ’’بہترین چیز‘‘ بنایا جا سکے۔