آسٹریلیا اوپن ٹینس ، اینڈی مرے نے سال کا فاتحانہ آغاز کر دیا

آسٹریلین اوپن کے پہلے مرحلے نے برطانوی ٹینس سٹار نے یوکرائن کے مارچینکو کو شکست دیکر دوسر یمعحلے کیلئے کوالیفائی کیا

پیر 16 جنوری 2017 19:58

آسٹریلیا اوپن ٹینس ، اینڈی مرے نے سال کا فاتحانہ آغاز کر دیا

میلبورن (اُردو پوائنٹ اخبارتازہ ترین - آئی این پی۔ 16 جنوری2017ء) آسٹریلیا اوپن ٹینس ٹورنامنٹ کے پہلے مرحلے میں برطانیہ کے عالمی نمبر ایک نے یوکرائن کے مارچینکو کو ہرا کر دوسرے مرحلے میں رسائی حاصل کر لی ہے۔ سال کے پہلے گرینڈ سلیم آسٹریلین اوپن میں عالمی نمبر ایک اینڈی مرے نے فاتحانہ آغاز کر دیا۔

(جاری ہے)

پہلے مرحلے کے میچ میں اینڈی کا مقابلہ یوکرائن کے مارچینکو کیساتھ ہوا۔

دونوں کھلاڑیوں کے درمیان دلچسپ مقابلہ دیکھنے کو ملا۔ عالمی نمبر ایک پلیئر نے پہلے دو سیٹ سنسنی خیز کھیل کے بعد سات پانچ اور سات چھ سے اپنے نام کیے۔ تیسرے سیٹ میں اینڈی اپنے حریف پر چھائے رہے اور انہیں جم کر کھیلنے کا موقع نہ دیا۔ برطانوی اسٹار نے تیسرا سیٹ چھ دو سے با آسانی جیت کر ایونٹ کے دوسرے مرحلے کیلئے کوالیفائی کر لیا۔