زمین کا درجہ حرارت بڑھ رہا ہے اگر زمین کا درجہ حرارت چار ڈگری سینٹی گریڈ اور بڑھ گیا تو دنیا کے بڑے شہروں کا بیشتر حصہ زیرآب آجائے گا، ماہرین

سڈنی، نیویارک، شنگھائی اور ممبئی سمیت درجہ حرارت میں اضافہ جہاں دنیا کے دیگر بڑے شہروں کو متاثر کرے گا وہیں سمندر کنارے آباد کراچی بھی اس سے بچ نہیں پائے گا، ڈاکٹرمعظم

بدھ 18 جنوری 2017 16:09

زمین کا درجہ حرارت بڑھ رہا ہے اگر زمین کا درجہ حرارت چار ڈگری سینٹی ..

کراچی(اُردو پوائنٹ اخبارتازہ ترین - این این آئی۔ 18 جنوری2017ء) ماہرین ماحولیات نے خبردار کیا ہے کہ زمین کا درجہ حرارت بڑھ رہا ہے اگر زمین کا درجہ حرارت چار ڈگری سینٹی گریڈ اور بڑھ گیا تو دنیا کے بڑے شہروں کا بیشتر حصہ زیرآب آجائے گاجبکہ کراچی کا اولڈ سٹی ایریا بھی ڈوب جائے گا۔ماہرین ماحولیات کی جانب سے کی تحقیق میں کہاگیاہے کہ جس طرح پانی ابل کر منہ کو آتا ہے، ویسے ہی زمین کا درجہ حرارت بڑھے تو سمندر پھیلتا ہے۔

ماہرین ماحولیات بتاتے ہیں کہ پانی کا پارہ چڑھ جائے تو بہت سوں کے روزگار کا ذریعہ پیر وں تلے زمین بھی چھین لیتا ہے۔تحقیق کے مطابق کرہ ارض، چار ڈگری سینٹی گریڈ مزید گرم ہوجائے تو سرپھراسمندر ساٹھ کروڑ آبادی کے زیراستعمال رقبے کو متاثر کرے گا۔

(جاری ہے)

سائنسدان اس تبدیلی کی توقع آئندہ سو سال تک کررہے ہیں۔ماہرماحولیات ڈاکٹر معظم کے مطابق سڈنی، نیویارک، شنگھائی اور ممبئی سمیت درجہ حرارت میں اضافہ جہاں دنیا کے دیگر بڑے شہروں کو متاثر کرے گا وہیں سمندر کنارے آباد کراچی بھی اس سے بچ نہیں پائے گا۔

ماہرین کا اندازہ ہے کہ کراچی کے قدموں کو چھوتا سمندر بپھرا تو پرانا شہر بہالے جائے گا۔تحقیق نے مستقبل میں خطرے کی گھنٹی بجادی، اب حال میں کیے گئے اقدامات ہی تبدیلیوں کا رخ بدل سکتے ہیں۔