شاہ محمود قریشی کاخورشید شاہ سے ٹیلی فونک رابطہ، وزیراعظم کے خلاف ایوان میں دوبارہ تحریک استحقاق لانے کا فیصلہ

تحریک استحقاق کے سلسلے میں اپوزیشن لیڈر آفتاب احمد شیرپائو اور عو غلام احمد بلور سے رابطہ کریں گے، دونوں رہنمائوں کا ٹیلیفونک گفتگو میں اتفاق

بدھ 18 جنوری 2017 18:13

اسلام آباد(اُردو پوائنٹ اخبارتازہ ترین - آئی این پی۔ 18 جنوری2017ء) قومی اسمبلی میں حزب اختلاف کی دو بڑی جماعتوں پیپلزپارٹی اور تحریک انصاف وزیراعظم نوازشریف کے خلاف ایوان میں دوبارہ تحریک استحقاق لانے کا فیصلہ کرلیا۔

(جاری ہے)

تفصیلات کے مطابق بدھ کو تحریک انصاف کے قومی اسمبلی میں پارلیمانی لیڈر شاہ محمود قریشی نے اپوزیشن لیڈر سید خورشید شاہ سے ٹیلی فونک رابطہ کیا،دونوں رہنمائوں نے ایوان میںکی گئی وزیراعظم نوازشریف کی تقریر کو سیاسی قرار دینے کے معاملے پر ایوان میں دوبارہ تحریک استحقاق لانے کافیصلہ کیا۔

ٹیلی فونک رابطے میں فیصلہ کیا گیا کہ اپوزیشن کی تمام جماعتوں سے مشاورت کے ساتھ تحریک استحقاق لائی جائے گی،ٹیلی فونک رابطے میںفیصلہ کیا گیا کہ تحریک استحقاق کے سلسلے میں اپوزیشن لیڈر خورشید شاہ قومی وطن پارٹی کے سربراہ آفتاب احمد شیرپائو اور عوامی نیشنل پارٹی کے رہنما غلام احمد بلور سے رابطہ کریں گے جبکہ جماعت اسلامی ،عوامی مسلم لیگ کے ساتھ شاہ محمود قریشی تحریک استحقاق کے حوالے سے رابطہ کرکے مشاورت کریں گے۔…(خ م+ار)