سعودی عرب بھارت میں آئل اور پیٹروکیمیکل سیکٹرز میں وسیع سرمایہ کاری کرے گا

سعودی عرب ایشیاء کو خام تیل کی خریداری کی بڑی مارکیٹ کے طوردیکھتے ہوئے بھارت سمیت چین،انڈونیشیا،ملائشیاء اور ویتنام میں آئل ریفائنریز قائم کرے گا،آرامکو

جمعرات 19 جنوری 2017 16:03

سعودی عرب بھارت میں آئل اور پیٹروکیمیکل سیکٹرز میں وسیع سرمایہ کاری ..

جبیل ۔ (اُردو پوائنٹ اخبارتازہ ترین - اے پی پی۔ 19 جنوری2017ء) ایشیاء کو خام تیل کی خریداری کی بڑی مارکیٹ کے طوردیکھتے ہوئے سعودی عرب کی بڑی تیل کمپنی آرامکو بھارت میں تیل صاف کرنے والے والا کارخانہ لگائے گی ۔جبل میں ایک کانفرنس سے خطاب کرتے ہوئے آرامکو کے چیف ایگزیکٹیو امین ناصر نے کہا کہ سعودی عرب ایشیاء کو خام تیل کی خریداری کی بڑی مارکیٹ کے طوردیکھتے ہوئے بھارت سمیت چین،انڈونیشیا،ملیشیاء اور ویتنام میں آئل ریفائنریز قائم کرے گا ۔

انھوں نے کہ چینی صوبہ فیوجیان کے کارخانے میں پہلے ہی آرام کو سرمای کاری کرتے ہوئے حصص خرید چکا ہے اور مزید سرمایہ کاری کے لئے چائنا پترولیم کے ساتھ بات چیت جاری ہے۔انھوں نے کہا کہ آرام کو جس کی ریفائنری(تیل صاف کرنی) کی صلاحیت اس وقت 5.4 ملین بیرل یومیہ ہے کو بڑھا کر 8 سے 10 ملین بیرل یومیہ تل لانے کا منصوبہ رکھتے ہیں۔

(جاری ہے)

آرام کو کے راس تنورا اور دھران میں کارخانے ہیں ۔

دریں اثناء بھارتی وزیر تیل درمیندرا پرادھن نے کہا ہے کہ سعودی آرام کو نے بھارت کی ایک بڑی آئل ریفائنری اور پیٹرو کیمیکل پراجیکٹس کے حصص کی خریداری میں دلچسپی ظاہر کی ہے ،وہ آرام کو کے چیئر میں خالد الفلیع سے اس سلسلے میں ملاقات بھی کر چکے ہیں،یاد رہے کہ بھارت ایشیاء میں سعودی تیل کا سب سے بڑا خریدار ہے۔