نیب اپنی ساکھ کھو چکا ہے، اب وہ احتساب بیورو نہیں بلکہ انتقام بیورو بن گیا ہے ، نواز حکومت نے نیب کو سیاسی انتقام کا ذریعہ بنایا ہوا ہے‘پیپلزپارٹی کے مرکزی رہنما سینیٹرسعید غنی کا بیان

جمعرات 19 جنوری 2017 19:51

اسلام آباد(اُردو پوائنٹ اخبارتازہ ترین - آئی این پی۔ 19 جنوری2017ء) پاکستان پیپلزپارٹی کے رہنما سینیٹرسعید غنی نے کہا ہے کہ قومی احتساب بیورو اپنی ساکھ کھو چکا ہے اب وہ احتساب بیورو نہیں بلکہ انتقام بیورو بن گیا ہے ، نواز حکومت نے نیب کو سیاسی انتقام کا ذریعہ بنایا ہوا ہے۔جمعرات کو اپنے ایک بیان میں سینیٹر سعید غنی نے کہا کہ نیب نے ایسی عینک لگا رکھی ہے جس سے اسے صرف سندھ میں عیب نظر آرہے ہیں باقی پنجاب میں ہونے والی میگا کرپشن نظر ہی نہیں آتی۔

(جاری ہے)

انہوں نے کہا کہ نیب نے ڈاکٹر عاصم حسین کو یرغمال کر رکھا اور اسے وحشیانہ انتقام کا نشانہ بنایا جا رہا ہے۔ سینیٹر سعید غنی نے یاددلایا کہ وزیراعظم نواز، وزیر اعلیٰ شہباز شریف اور ان کے وزراء نے نیب کو آنکھیں دکھائیں تو نیب نواز حکومت کے سامنے پسپائی اختیار کر چکا ہے۔ انہوں نے کہا کہ نیب نے نواز اور شہباز شریف کے بیانات پر تاحال کوئی وضاحت پیش نہیں کی اور تاحال خاموش ہے۔ اس کا مطلب یہ لینا چاہیے کہ نیب اب نواز حکومت کے سیاسی ہتھیار کے طور پر استعمال ہو رہا ہے۔

Facebook Twitter Google + Share on Whatsapp

متعلقہ عنوان :

مزید قومی خبریں