خطے میں پائیدار امن وسلامتی کیلئے ہمسایہ ممالک سے بہتر تعلقات کے خواہاں ہیں،نوازشریف
عوامی بہبود معاشی ترقی سے ہی ممکن ہے،پاکستان بھارت کے ساتھ مسئلہ کشمیر سمیت تمام تصفیہ طلب مسائل کا حل چاہتا ہے بھارت نے غیر ذمہ دارانہ بیانات دے کر مذاکرات نہ کرنے کا تاثر دیا،اقوام متحدہ مسئلہ کشمیر کو سلامتی کونسل کی قراردادوں کے مطابق حل کرنے کا وعدہ ایفا کرے،وزیر اعظم کی اقوام متحدہ کے سیکرٹری جنر ل سے ملاقات
جمعرات 19 جنوری 2017 22:12
(جاری ہے)
اقوام متحدہ کمشنر برائے پناہ گزین کے طور پر آپ کے کردار کے معترف ہیں۔کمشنر کے طور پر آپ کا پاکستان کا دورہ چیلنجز کو سمجھنے میں مددگار ہوگا،ہمارا یقین ہے کہ سیکرٹری جنرل کیلئے آپ انتہائی موزوں امیدوار تھے۔
انہوں نے کہا کہ 21ویں صدی کے تقاضوں پر پورا اترنے کیلئے نئی قیادت کی ضرورت ہے اقوام متحدہ کے جنرل سیکرٹری کا منصب سنبھالنے کے بعد اپ کی ترجیحات حوصلہ افزاء ہیں۔بلاشبہ امن اقوام متحدہ کے رکن ممالک کی پہلی ترجیح ہے۔پاکستان اقوام متحدہ کے اہداف کے حصول میں ہر ممکن مدد جاری رکھے گا۔پاکستان تنازعات کو روکنے سے متعلق آپ کے نکتہ نظر کا حامی ہے۔پاکستان دنیا میں پائیدار امن کی کوششوں کی بھرپور حمایت کرتا ہے۔وزیراعظم نوازشریف نے کہا کہ پرامن ہمسائیگی پاکستان کی سب سے پہلی ترجیح ہے ہم خطے میں پائیدار امن اور سلامتی کیلئے پرعزم ہیں،پاکستان خطے میں اقتصادی تعاون کیلئے سازگار ماحول چاہتا ہے خطے میں امن اور ترقی جنوبی ایشیاء کے عوام کے مفاد میں ہے ہمارا یقین ہے کہ عوامی بہبود معاشی ترقی سے ہی ممکن ہے،مسائل کے حل اور تعاون کے بغیر علاقائی ترقی کا ہدف حاصل نہیں ہوسکتا۔انہوں نے کہا کہ مسئلہ کشمیر عالمی سطح پر مسلمہ تنازعہ ہے کشمیر اقوام متحدہ کسی سلامتی کونسل کے ایجنڈے پر ہے،خطے کی ترقی کیلئے کشمیر سمیت تصفیہ طلب تنازعات کا حل ضروری ہے،مسئلہ کشمیر کے حل کیلئے مستقل مزاجی سے مذاکرات کی ضرورت ہے،پاکستان نے مسئلہ کشمیر کے حل کیلئے بھارت کا بات چیت کی دعوت دی مگر بھارت نے ہماری کوشش کا مثبت جواب نہیں دیا اور بھارت نے غیر ذمہ دارانہ بیانات سے پاک بھارت مذاکرات نہ کرنے کا تاثر دیا۔وزیراعظم نے کہا کہ بھارت کشمیریوں کی حق خودارادیت کی آمرانہ دبانے کی کوشش کی اور خطے میں کشیدہ ماحول کو مزید غیر مستحکم کر رہا ہے۔پاکستان نکتہ نظر مسئلہ کشمیر کو اقوام متحدہ کی سلامتی کونسل کی قرارداد کے مطابق ہے،ہم مسئلہ کشمیر کا حل کشمیری عوام کی امنگوں کے مطابق چاہتے ہیں۔کشمیریوں کو آزاد،شفاف اور غیر جانبدارانہ استصواب کا حق اقوام متحدہ نے دیا ہے۔اقوام متحدہ تاحال کشمیریوں سے کیا گیا یہ وعدہ ایفا نہیں کرسکی۔مسئلہ کشمیر کے حل کیلئے کردار اقوام متحدہ کی ذمہ داری ہے۔اس موقع پر اقوام متحدہ کے سیکرٹری جنرل انتونیوگراس نے کہا کہ پاکستان اور بھارت کے مابین مسائل کی حساسیت کو سمجھتے ہیں۔پاکستان اور بھارت کے درمیان کشیدگی سے خطے کی سلامتی پر اثرات مرتب ہوسکتے ہیں۔انہوں نے کہا کہ اقوام متحدہ کیلئے پاکستان کی معاونت کو سراہتے ہیں پاکستان کے افغان پناہ گزینوں اور امن مشنز کیلئے تعاون کے معترف ہیں،پاکستان اور خطے کیلئے مثبت اور تعمیری کردار ادا کروں گا۔وزیراعظم نے پاک بھارت کے درمیان سندھ طاس معاہدے کا معاملہ بھی یو این سیکرٹری جنرل کے سامنے اٹھایا۔ملااقت کے اختتام پر وزیراعظم نوازشریف نے اقوام متحدہ کے سیکرٹری جنرل کو دورہ پاکستان کی دعوت دی اور کہا کہ آپ کے دورہ پاکستان سے خطے میں امن اور ترقی کے عزم کی عکاسی کرے گا۔۔۔(ولی)مزید بین الاقوامی خبریں
-
بھائی کا کیٹ مڈلٹن کیلئے نیک تمناوں کا اظہار
-
سورج گرہن،امریکا میں پائلٹس کیلئے وارننگ جاری
-
سری لنکا میں مسلمانوں کی توہین پر با اثربدھ راہب کو 4 سال قید کی سزا
-
بھارت،کھانا اچھا نہ بنانے پر دادی پر تشدد، ویڈیو وائرل
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.