اوکاڑہ: نیشنل ایکشن پلان پر مکمل عملدرآمد کر کے امن و امان کا قیام یقینی بنایا جائی گا ،ڈی پی او

اتوار 22 جنوری 2017 17:10

اوکاڑہ۔ (اُردو پوائنٹ اخبارتازہ ترین - اے پی پی۔ 22 جنوری2017ء) ڈی پی او اوکاڑہ محمد فیصل رانا نے پولیس افسران سے خطاب کرتے ہوئے کہا ہے کہ جرائم پیشہ افراد کسی قسم کی رعائت کے مسحق نہیں ،ان کا ٹھکانہ صرف جیل ہے ، اخلاقیات کا دامن نہ چھوڑیں، تھانوں میں آنے والے سائلین کے ساتھ خوش اخلاقی سے پیش آئیں، پولیس عوام کے جان و مال ،عزت آبرو کی محافظ ہے، اخلاقیا ت کے اعلیٰ اوصاف ہی ایک اچھے آفیسر کا طرہ امتیاز ہے، ضلع اوکاڑہ میں جرائم کو کنڑول کرنے کیلئے ایس ایچ اوز ہنگامی بنیادوں پر اقدامات کریں جبکہ نیشنل ایکشن پلان پر مکمل عملدرآمد کرتے ہوئے امن و امان کے قیام کو یقینی بنایا جائے ۔

(جاری ہے)

انہو ںنے کہا کہ اللہ تعالیٰ نے آپ کو اختیارات دیے ہیں ان کو بطور امانت سمجھتے ہوئے مخلوق خدا کی خدمت کریں ۔