ایران کی جانب سے پاکستان کو برآمد شدہ بجلی کی مقدار بڑھانے کا فیصلہ

اتوار 22 جنوری 2017 18:41

تہران (اُردو پوائنٹ اخبارتازہ ترین - آن لائن۔ 22 جنوری2017ء) ایران کی جانب سے پاکستان کو برآمد کی جانے والی بجلی کی مقدار بڑھانے کا فیصلہ کیا گیا ہے۔ایرانی میڈیا کے مطابق ایران پاکستان میں بجلی کی کمی کو پورا کرنے میں مدد کیلئے اسے بجلی کی برآمد کو بڑھارہا ہے، اس سے قبل گزشتہ سال حکومت پاکستان نے ایران سے بجلی کی درآمد میں اضافے کی تجویز دی تھی۔

(جاری ہے)

پاکستان اس وقت ایران سے روزانہ 74 میگاواٹ بجلی درآمد کرتا ہے اور اسے بڑھا کر روزانہ 104 میگاواٹ تک لے جانا چاہتا ہے ، دونوں ممالک کا منصوبہ ہے کہ بجلی کی اس برآمد کو بتدریج بڑھاتے ہوئے ایک ہزار میگاواٹ تک لے جایا جائے۔ایرانی وزیر نے کہا کہ ان کا ملک اضافی بجلی دیگر ہمسایہ ممالک کو بھی دینے کیلئے تیار ہے، ایران حکومت کے مطابق ایران پاکستان کو بجلی کی فراہمی کے لیے صوبے سیستان میں ایک نیا گرڈ سٹیشن بنا رہا ہے۔