ایران اور دبئی نے پاکستان سے چاول کی خریداری روک دی

رواں مالی سال کی پہلی سہ ماہی میں چاول کی برآمدات میں 16 کروڑ ڈالرز کمی

پیر 23 جنوری 2017 15:11

کراچی(اُردو پوائنٹ اخبارتازہ ترین - این این آئی۔ 23 جنوری2017ء) ایران اور دبئی نے پاکستان سے چاول کی خریداری روک دی ہے۔ ایران اور دبئی کی جانب سے اس اقدام کے بعد پاکستان سے چاول کی برآمدات میں مسلسل کمی کا رجحان ہے۔

(جاری ہے)

تفصیلات کے مطابق ایران اور دبئی کی جانب سے پاکستان سے چاول کی خریداری روکنے پر پاکستانی چاول کی برآمدات میں مسلسل کمی کا رجحان ہے۔ رواں مالی سال کی پہلی سہ ماہی میں چاول کی برآمدات میں 16 کروڑ ڈالرز کمی ہوئی ہے جو گزشتہ مالی سال کے اسی عرصے سے 20 فیصد تک کم ہے۔یاد رہے کہ پاکستان میں ہر سال 23 لاکھ ٹن چاول پیدا ہوتا ہے جس میں سے 10 لاکھ ٹن پاکستان کی اپنی مانگ پوری کرتا ہے جبکہ باقی کو برآمد کیا جاتا ہے۔