7 سالہ بچے نے اپنی ری سائیکلنگ کمپنی بنا لی۔ دو لاکھ بوتلیں اور قابل استعمال اشیاء فروخت کر کے 10 ہزار ڈالر کما لیے
امین اکبر پیر 23 جنوری 2017 18:51
کیلیفورنیا کے 7 سالہ ریان ہکمین کو شروع سے ہی خراب چیزوں کو دوبارہ استعمال کرنے کا شوق ہے۔ اتنی سی عمر میں ہی اس کا شوق اس کا پیشہ بن گیا ہے۔ سات سالہ بچے نے اب اپنی ہی ایک چھوٹی سی ری سائیکلنگ کمپنی بنا لی ہے۔
ریان کو پہلی بار ری سائیکلنگ کا شوق 3 سال کی عمر میں اس وقت ہوا جب وہ اپنے باپ کے ساتھ ری سائیکلنگ پلانٹ میں کچھ چیزیں بدلوانے گیا۔
گھر آ کر ریان نے اپنے ماں باپ کو بتایا کہ وہ بھی استعمال شدہ چیزوں کو جمع اور صاف کر کے قابل استعمال بنانا چاہتا ہے۔ ریان نے اپنے ہمسایوں سے بھی استعمال شدہ چیزیں لینی شروع کر دیں۔ ریان کے ماں باپ نے اس کی مدد کرنے کےلیے ہمسایوں کے گھروں میں بڑے بڑے بیگ بھجوا دئیے تاکہ وہ ان میں استعمال شدہ اشیا جمع کر سکیں۔
(جاری ہے)
اب 4 سال بعد چھوٹے بچے کا چھوٹا سا پراجیکٹ چھوٹا سا کاروبار بن چکا ہے۔ اس وقت ریان اپنے قریبی علاقوں میں 5 جگہوں سے استعمال شدہ اشیاء جمع کرتاہے۔ اس کے گاہکوں کی تعداد 40 ہے، جن کا کوڑا وہ اپنے گھر میں 8 بڑے ڈبوں میں الگ الگ کرتا ہے۔
ریان کے والدین کچھ ہفتوں بعد اس کی الگ الگ کی ہوئی چیزوں کو ری سائیکلنگ پلانٹ میں دے آتے ہیں۔ جب سے ریان نے اپنا کاروبار شروع کیا ہے تب سے وہ 49 ہزار پاؤنڈ کوڑا پروسس کر چکاہے،جس میں 2 لاکھ کین اور بوتلیں بھی شامل ہیں۔ ریان اپنی کمائی میں سے 1600 ڈالر فلاحی اداروں کو عطیہ بھی کر چکاہے جبکہ اس کی باقی آمدن جو کہ 10 ہزار ڈالر ہے، وہ اس کے والدین نے اس کی کالج کی تعلیم کے لیے الگ رکھ دی ہے۔
ری سائیکلنگ کے کام کے علاوہ ریان ایک تنظیم Pacific Marine Mammal Centerکا سفیر بھی ہے۔ اس نے فلاحی کاموں کے لیے خود سے ٹی شرٹس بھی بنائی ہیں۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.