پنڈی بھٹیاں کے قریب موٹر وے پر تیز رفتار ٹرک نے کار کو ٹکر مار دی ، ایک نوجوان جاں بحق،3 شدید ذخمی

پیر 23 جنوری 2017 22:19

حافظ آباد(اُردو پوائنٹ اخبارتازہ ترین - آئی این پی۔ 23 جنوری2017ء) پنڈی بھٹیاں کے قریب موٹر وے ایم۔تھری پر تیز رفتار ٹرک نے کار کو ٹکر مار دی جس کے نتیجہ میںکار میں سوار ایک نوجوان جاں بحق جبکہ تین شدید ذخمی ہوگئے۔

(جاری ہے)

تفصیلات کے مطابق فیصل آباد کے رہائشی چار نوجوان کار میں سوار ہوکر جارہے تھے کہ مخالف سمت سے آنے والے تیز رفتار ٹرک نے کار کو ٹکر دے ماری جس کے نتیجہ میں ایک نوجوان شیر عباس ولد اصغر علی شاہ سکنہ رضا آباد فیصل آباد موقع پر جاں بحق جبکہ دیگر تین شدید ذخمی ہوگئے جنھیں فوری طور پر الائیڈ ھسپتال فیصل آباد منتقل کردیا گیا۔ ہلاک اور ذخمی ہونے والے نوجوانوں کا تعلق شعبہ صحافت سے بتایا جاتاہے۔