توہین رسالت قانون میں ترمیم حساس معاملہ ہے ، قانون سازی سے قبلکمیٹی اراکین کو اعتماد میں لیا جائے ،راجہ ظفرالحق
کسی قسم کی ترمیم سے قبل معاملے کو اسلامی نظریاتی کونسل اور علماء کے بورڈ میں پیش کریں، مفتی عبدالستار کی تجویز ملک میں اغواء کے واقعات مسلسل ہو رہے ہیں جس پر تشویش ہے، ملزمان کو گرفتار کریں کہ ان کے مقاصد کیا ہیں کیوں عام شہریوں کو گمشدہ کیا جاتا ہے ۔ سینیٹر فرحت اللہ بابر و چیئرپرسن نسرین جلیل کا سینٹ کی انسا نی حقوق سے متعلق کمیٹی میں اظہار خیال
جمعرات 26 جنوری 2017 17:44
(جاری ہے)
کمیٹی کی چیئر پرسن نسرین جلیل نے کہا کہ گھروں کے اندر ملازمین پر تشدد ہوتا ہے ذمہ دار گرفتار کریں۔ اسلام آباد پولیس حکام نے بتایا کہ راولپنڈی اسلام آباد سے گمشدہ پروفیسر سلمان حیدر اور ثمر عباس کی گمشدگی کے حوالے سے ہماری سپیشل ٹیم تحقیقات کر رہی ہے ،چیئرپرسن نسرین جلیل نے کہا کہ گمشدہ افراد کو بازیاب کرائیں ۔
فرحت اللہ بابر نے کہا کہ حکومتی ایجنسی سے کیا رابطہ ہوا ہی پولیس حکام نے بتایا کہ حکومتی ایجنسی سے رابطہ ہوا ہے ۔ کمیٹی کی چیئرمین نسرین جلیل نے کہا کہ دو ہفتے قبل وزیر داخلہ چودھری نثار علی خان نے یقین دہانی کروائی تھی کہ ان افراد کو جلد بازیاب کرالیں گے ۔فرحت اللہ بابر نے کہا کہ وزیر داخلہ نے یقین دلایاتھا کہ جلد بازیاب کرالیں گے ۔ مگر ابھی تک گمشدہ افراد بازیاب نہیں ہوئے ، پولیس حکام نے بتایا کہ اعلی سطحی تحقیقات ہو رہی ہیں جلد ملزمان تک پہنچیں گے ۔ چیئر پرسن کمیٹی نسرین جلیل نے کہا کہ ملک میں لبرل طبقے کی آواز کو دبایا جا رہا ہے اور تسلسل سے اغواء ہو رہے ہیں اس پر انہوں نے تشویش کا اظہار کیا ۔ فرحت اللہ بابر نے کہا کہ جو بھی تحقیقات ہوئی ہیں اس پر وزارت داخلہ کو ریمانڈر بھیج دیں ۔ چیئرپرسن کمیٹی نے کہا کہ انسانوں سے کوئی گناہ سرزد ہوتا ہے تو انہیں عدالتوں میں پیش کریں ۔ لوگوں کی گمشدگی کا معاملہ سمجھ سے بالاتر ہے پولیس حکام نے پنجاب میں گمشدہ افراد وقاص گورائیہ ‘ عاصم سعید کے حوالے سے بتایا کہ پولیس اس حوالے سے تحقیقات کر رہی ہے ۔ پنجاب کے ڈی پی اوز نے بتایا ہے کہ ملزمان کی گرفتاری اور گمشدہ افراد کی بازیابی کے لئے ہر سطح پر تحقیقات ہو رہی ہیں ۔ چیئر پرسن کمیٹی نسرین جلیل نے حکم دیا کہ گمشدہ افراد کو بازیاب کرایا جائے اور جن لوگوں کی ایف آئی آر درج نہیں ہوئی ہیں ان کی فی الفور درج کی جائے ۔پولیس حکام نے بتایا کہ صرف عاصم سعید کی ایف آئی آر درج نہیں ہوئی ہے ۔ فرحت اللہ بابر نے کہا کہ ملزمان کو گرفتار کریں کہ ان کے مقاصد کیا ہیں کیوں عام شہریوں کو گمشدہ کیا جاتا ہے ۔ چیئرپرسن کمیٹی نسرین جلیل نے کہا کہ پولیس کے حکام مکمل تحقیقات کر کے حال ہی میں گمشدہ افراد کو بازیاب کرا ئے پاکستان کا وقار ان واقعات سے خراب ہو رہا ہے پاکستان کی عزت سب سے زیادہ عزیز ہے پولیس حکام کی نشاندہی پر کمیٹی نے پی ٹی اے ‘ پیمرا اور ایف آئی اے کے سائبر کرائم کو خط لکھا کہ گمشدہ افراد کی بازیابی کے لئے وہ اپنا کردار اد اکریں جو ٹی وی چینل یا سوشل میڈیا پر خلاف ضابطہ مواد نشر کر رہا ہے ان کے خلاف کاروائی کرے پولیس حکام نے بتایا کہ چکوال میں 12 ربیع الاول کے واقعہ سے متعلق تحقیقات جاری ہیں چکوال میں بیت الذکر کو سیل کر دیا گیا ہے ۔ مرکزی ملزم عبدالرشید کینیڈا فرار ہو گیا ہے وزارت داخلہ کو بھی تمام حقائق سے آگاہ کردیا گیا ہے ۔عبددالرشید کی گرفتاری کے لئے کینیڈین حکومت سے رابطہ کیا ہوا ہے ۔پولیس حکام نے بتایا کہ واقعہ میں ملوث دیگر ملزمان کو گرفتار کر لیا گیا ہے کمیٹی کی چیئرپرسننسرین جلیل نے چکوال میں فرقہوارانہ واقعہ کا ذمہ دار پولیس حکام کو قرار دیا ۔پولیس حکام نے بتایا کہ عبدالرشید کے حکومت سے ریڈوارنٹ جاری کر کے اسے گرفتار کر کے پاکستان واپس لایا جائے گا ۔پولیس حکام نے بتایا کہ چکوال واقعہ سے متعلق بتایا کہ بیت الذکر کو سیل نہ کرتے تو فرقہ وارانہ بنیادوں پر بڑے تصادم کا خطرہ تھا ۔کمیٹی کی چیئرپرسن نسرین جلیل نے کہا کہ چکوال میں جو بیت الذکر سیل کیا گیا ہے اسے کھول دیا جائے اور اس سلسلے میں تمام قانونی تقاضے پورے کئے جائیں ۔ اقلیتوں کے ساتھ زیادتی کے واقعات سے پاکستان کا وقار عالمی سطح پر مجروح ہوا ہے کمیٹی نے اتفاق رائے سے یہ سفارش کی کہ تمام قانونی تقاضے پورے کرنے کے بعد بیت الذکر کو اوپن کیا جائے اور تمام اقلیتوں کو برابری کی بنیاد پر حقوق دیئے جائیں ۔ راجہ ظفر الحق نے کہا کہ شریعت سے متصادم قانون کو عوام تسلیم نہیں کریںگے ۔ملک کے حالات پہلے ہی خراب ہیں توہین رسالت کے قانون میں ترمیم سے حالات خراب ہوں گے ۔ فرحت اللہ بابر نے مفتی عبدالستار کو یقین دلایا کہ شریعت اور آئین سے متصادم کوئی قانون سازی نہیں کریں گے ۔ مفتی عبدالستار نے کہاکہ اگر توہین رسالت کے قانون میں ترمیم کر کے اسے عمر قید میں تبدیل کیا گیا تو پورے ملک میں حالات خراب ہوں گے ۔ نبی اکرمؐ کی عزت ہمیں سب سے مقدم ہے اس پر کبھی بھی سمجھوتہ نہیں کریں گے ۔ فرحت اللہ بابر نے کہاکہ آئین میں ترمیم سے قبل دیگر ممالک سے بھی رابطہ کریں ۔ انہوں نے کہاکہ 1992 میں وفاقی شرعی عدالت نے کہا تھا کہ توہین رسالت کے ذریعہ عمر قید کے بجائے سزائے موت دی جائے ۔بلکہ کوشش کریں کہ قانون کا غلط استعمال نہ ہو ۔ مفتی عبدالستار نے کہا کہ کسی قسم کی ترمیم سے قبل اس معاملے کو اسلامی نظریاتی کونسل اور علماء کے بورڈ میں پیش کریں ۔ کمیٹی کی چیئرمین نسرین جلیل نے کہاکہ غلط استعمال کیا جاتا ہے ۔ راجہ ظفر الحق نے کہاکہ کسی مجرم یااس سے وابستہ کسی فرد کو ضمانت پر رہا نہ کریں کیونکہ جب وہ جیل سے باہر نکلے گا تو اس کی زندگی کی ضمانت نہیں رہے گی ۔قانون کا غلط استعمال کیا جاتا ہے کسی قسم کی قانون سازی سے قبل علماء کرام اور کمیٹی کے ممبران کو اردو ترجمہ کر کے ایک ایک کاپی دے دیں تاکہ تمام ممبران اس سے استعفادہ حاصل کر لیں ۔ ملزم کو عمر قید نہیں بلکہ سزائے موت ملتی ہے اور شریعت اور قانون میں واضح ہے کسی بھی نئے جھگڑے سے قبل علماء اور کمیٹی کے اراکین کو اعتماد میں لیں ۔ ضرورت اس امر کی ہے کہ مجرم سزا سے بچ نہ سکے ۔ کمیٹی کی چیئر پرسن نسرین جلیل نے کہا کہ ہم محتاط انداز میں آگے بڑھ رہے ہیں۔ راجہ ظفر الحق کی سربراہی میں تمام امور کو نبھائیں گے ۔ (جاوید)متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.