صوبے کے عوام کو پرامن ماحول فراہم کرنے اورجرائم پر قابو پانے کیلئے سیف سٹی منصوبے پر کام شروع کیا ہے ‘راجہ شوکت عزیز

پیر 30 جنوری 2017 20:04

لاہور(اُردو پوائنٹ اخبارتازہ ترین - این این آئی۔ 30 جنوری2017ء) مسلم لیگ ن کے رکن پنجاب اسمبلی راجہ شوکت عزیز بھٹی نے کہا ہے کہ پاکستان کے باشعور عوام2018 کے انتخابات میںبھی خدمت، دیانت، امانت اور شفافیت کی سیاست کو کامیاب کرائیں گے اور الزامات، جھوٹ اور انتشار کی سیاست کرنے والے ہاتھ ملتے رہ جائیں گے۔ اپنے ایک بیان میںانہوں نے کہاکہ سیف سٹی منصوبے کاپہلا مرحلہ ریکارڈ مدت میں مکمل ہوا ہے ،صوبے کے عوام کو پرامن ماحول فراہم کرنے اورجرائم پر قابو پانے کیلئے پنجاب حکومت نے سیف سٹی منصوبے پر کام شروع کیا ہے جس پر 12ارب روپے خرچ کیے جارہے ہیں اوراس منصوبے کے تحت کمانڈاینڈ کنٹرول سنٹر میں بہت بڑی سکرین لگائی گئی ہے جو کہ ایشیاء کی سب سے بڑی سکرین ہے۔

پنجاب حکومت سیف سٹی پراجیکٹ پر چین کی صف اول کی کمپنی ہیواوے کے تعاو ن سے کام کررہی ہے اوریہ پاکستان میں اپنی نوعیت کا پہلا منفرد منصوبہ ہے ۔

(جاری ہے)

چینی کمپنی اس منصوبے کو ایک مثالی پراجیکٹ کے طورپر چلائے گی اورپوری دنیا میں یہ منصوبہ محنت ،دیانت،امانت اور شفافیت کے لحاظ سے اپنی مثال آپ ہوگا۔پاکستان میں پنجاب پہلا صوبہ ہے جہاں پراس منصوبے کا افتتاح کیا گیا ہے جبکہ چھ برس قبل اس وقت کی وفاقی حکومت نے اسلام آباد میں سیف سٹی پراجیکٹ شروع کیا تھا جواب آکر مکمل ہوا ہے لیکن پنجاب حکومت کا سیف سٹی منصوبہ اسلام آباد کے منصوبے کے حجم سے چار گنا بڑا ہے ۔

وفاقی وزیر داخلہ چوہدری نثار علی خان اسلام آباد سیف سٹی پراجیکٹ کے 1500کیمروں کو بڑھا کر2000 کیمروں پر لے آئے ہیں جبکہ پنجاب سیف سٹی پراجیکٹ کے تحت لاہورمیں8ہزار کیمرے لگائے جارہے ہیں۔

Facebook Twitter Google + Share on Whatsapp

صوبے کے عوام کو پرامن ماحول فراہم کرنے اورجرائم پر قابو پانے کیلئے سیف سٹی منصوبے پر کام شروع کیا ہے ‘راجہ شوکت عزیز

متعلقہ عنوان :

مزید قومی خبریں