ہاکی اولمپئین عمران بٹ کا اعلان بغاوت،کیمپ سے نکالنے پر کوچ پر الزامات کی بوچھاڑ

خواجہ جنید کھلاڑیوں کو ذہنی اذیت دیتے ہیں ، مجھ پر غداری کا الزام لگایابہت سے کھلاڑی کوچ سے ناراض ہیں، عمران بٹ

پیر 6 فروری 2017 18:07

ہاکی اولمپئین عمران بٹ کا اعلان بغاوت،کیمپ سے نکالنے پر کوچ پر الزامات ..

لاہور(اُردو پوائنٹ اخبارتازہ ترین - آن لائن۔ 06 فروری2017ء) ہاکی اولمپئین عمران بٹ نے اعلان بغاوت کردیا،کیمپ سے نکالنے پر کوچ پر الزامات کی بوچھاڑ کردی۔ کہتے ہیں خواجہ جنید کھلاڑیوں کو ذہنی اذیت دیتے ہیں ، مجھ پر غداری کا الزام لگایابہت سے کھلاڑی کوچ سے ناراض ہیں۔

(جاری ہے)

پاکستان کا قومی کھیل ہاکی ایک اور تنازع کی زد میں آگیا ہے، اولمپئین گول کیپر عمران بٹ کا کہنا کہ بہت ہو چکا اب زیادتی برداشت نہیں کرسکتا،فیڈریشن سے منت کرتا ہوں کہ خواجہ جنید کو برطرف کرے۔

انہوں نے ٹیم کے کوچ پر ذہنی اذیت دینے کا الزام لگایا ہے اور کہا ہے کہ جلد دیگر کھلاڑیوں کے ساتھ پریس کانفرنس کریں گے۔واضح رہے کہ ہاکی فیڈریشن نے عمران بٹ سمیت 4سینئر کھلاڑیوں کو چند روز پہلے تربیتی کیمپ سے نکال دیا تھا۔