خیبر ایجنسی میں دہشت گردوں کا سرحدی چیک پوسٹ پر حملہ، 2ایف سی اہلکار زخمی

جمعہ 17 فروری 2017 11:04

راولپنڈی ۔ (اُردو پوائنٹ اخبارتازہ ترین - اے پی پی۔ 17 فروری2017ء) خیبر ایجنسی میں جمعہ کی علی الصبح دہشت گردوں کے سرحدی چیک پوسٹ پر حملے میں 2ایف سی اہلکار زخمی ہوگئے ۔آئی ایس پی آر کے مطابق پاک فوج نے سرحد پار سے کی جانے والی اس کارروائی کا بھر پور جواب دیا۔

(جاری ہے)

فائرنگ کے تبادلے میں چند حملہ آوردہشت گردوں کے مارے جانے کی اطلاع ہے۔جمعرات کی شام سیہون شریف میں لعل شہباز قلندر کے مزار میں خود کش حملے میں 70 سے زیادہ افراد کے مارے جانے اور اڑھائی سو سے زیادہ کے زخمی ہونے کے بعد طورخم بارڈر غیر معینہ مدت کے لئے بند کر دیا گیا ہے۔