لاہور میں جمعہ نماز کے موقع پر مساجد اور امام بارگاہوں پر پولیس کی اضافی نفری تعینات

سمیرا فقیرحسین جمعہ 17 فروری 2017 11:54

لاہور (اُردو پوائنٹ تازہ ترین اخبار۔ 17 فروری 2017ء) : پنجاب کے دارالحکومت لاہور میں سکیورٹی خدشات کے پیش ںظر سکیورٹی میں مزید اضافہ کر دیا گیا ہے ۔ پولیس کے مطابق لاہور میں نماز جمعہ کے موقع پر مساجد اور امام بارگاہوں پر سکیورٹی میں مزید اضافہ کر دیا گیا ہے۔

(جاری ہے)

پولیس کی اضافی نفری مساجد اور امام بارگاہوں پر تعینات ہے۔پولیس کا کہنا ہے کہ حالیہ دہشتگردی کے بعد سکیورٹی کو فول پروف بنانے کے لیے خصوصی انتظامات کیے گئے ہیں۔ یاد رہے کہ ملک میں دہشتگردوں کے ایک مرتبہ پھر سے سر گرم ہونے کے بعد حساس مقامات ، مساجد اور دیگر اہم عمارتوں کی سکیورٹی میں اضافہ کر دیا گیا ہے۔