پنجاب پولیس کے اہلکار نے وزیر اعلٰی پنجاب کو مناظرے کا چیلنج کر دیا
7 ماہ سے تنخواہ کی ادائیگی نہیں ہوئی ، مستعفی ہونے پر مجبور کیا گیا ۔ پولیس اہلکار
سمیرا فقیرحسین جمعہ 17 فروری 2017 13:24
(جاری ہے)
پولیس اہلکارکا کہنا تھا کہ وزیر اعلٰی پنجاب نے جتنے بھی سیکرٹری تعینات کیے ہوئے ہیں تمام نا اہل ہیں، تمام وی سی ، ڈی سب بھی نا اہل ہیں۔
پولیس اہلکار نے وزیر اعلٰی پنجاب کو مناظرے کا چیلنج کر تے ہوئے کہا کہ آپ خود اپنے تمام ڈاکیومنٹس لے کر ایجوکیٹر کی پالیسی کے تحت جمع کروائیں تو آپ کو پرائمری سکول کے ٹیچر تک کی نوکری نہیں ملے گی۔ اگر ایسا ہو گیا کہ آپ کو اپنے ہی میرٹ پر نوکری مل گئی اور آپ سیلیکٹ ہو جائیں تو مجھے چوبرجی پر لٹکا دے دیں۔آپ میرے ساتھ مناظرہ کریں اور اپنی ایک ٹیم تشکیل دیں۔میرے پاس آپ کے سیکرٹری کی پندرہ منٹ کی ریکارڈنگ موجود ہے جس نے ایجوکیٹر کی پالیسیوں کے غلط ہونے کا خود اعتراف کیا ہے۔ سیکرٹری نے خود اعتراف کیا کہ وہ ان پالیسیز کے تحت خود بھی پرائمری کا ٹیچر بھرتی نہیں ہو سکا۔ پولیس اہلکار نے وزیر اعلٰی کو آڑے ہاتھوں لیتے ہوئے کہا کہ آپ اپنے رشتہ داروں کے لیے پالیسیز کو تبدیل کرتے ہیں۔ پولیس اہلکار کا کہنا تھا کہ ان پالیسیز کے باوجود کامیاب ہو کر نکلنے والے طلبا بے روزگار ہیں اور اسی بے روزگاری کی وجہ سے وہ منفی سرگرمیوں میں ملوث ہو کر دہشتگرد بنتے ہیں۔ طلبا تنگ آ کر جرائم پیشہ بن رہے ہیں۔ جس کی وجہ آپ کی ناقص پالیسیاں ہیں۔ اپنے ویڈیو پیغام میں پولیس اہلکار نے اپے بچوں کو بھی دکھایا اور کہا میرے بچوں کادودھ بند کر دیا گیا ہے میرے نویں جماعت میں زیر تعلیم بچے کو فیس کےپیسے نہ ہونے پر ٹیوشن سے نکال دیا گیا۔ پولیس اہلکار نے بتایا کہ وہ خود اعلٰی تعلیم یافتہ اور ڈگری ہولڈر ہے لیکن جب کسی کو سات ماہ سے تنخواہ کی ادائیگی نہیں ہو گی تو وہ کیا کرے گا۔پولیس اہلکار کی اس ویڈیو کو اب تک ہزاروں سوشل میڈیا صارفین دیکھ چکے ہیں البتہ اس ویڈیو پر تاحال وزیر اعلٰی پنجاب، ان کے سیکرٹری یا کسی اور حکام کی جانب سے کوئی ردعمل سامنے نہیں آیا۔ پولیس اہلکار کی یہ ویڈیو آپ بھی ملاحظہ کیجئیے:مزید اہم خبریں
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.