سابق وزیر شرجیل انعام میمن کو اشتہاری قرار دینے سے متعلق کیس کی سماعت پراخبارات میں شائع ہونے والے اشتہارات طلب

ہفتہ 18 فروری 2017 22:22

کراچی (اُردو پوائنٹ اخبارتازہ ترین - آن لائن۔ 18 فروری2017ء) احتساب عدالت نے سابق وزیر شرجیل انعام میمن کو اشتہاری قرار دینے سے متعلق کیس کی سماعت پراخبارات میں شائع ہونے والے اشتہارات طلب کر لیے ہیں ۔۔ہفتہ کو کراچی کی احتساب عدالت میںسابق وزیر شرجیل انعام میمن کو اشتہاری قرار دینے سے متعلق کیس کی سماعت ہوئی۔

(جاری ہے)

دوران سماعت شرجیل انعام میمن کے وکیل سے عدالت سے استدعا کی کہ انکے موکل کیخلاف سندھ ہائی کورٹ میں درخواست زیر سماعت ہے۔جب تک ہائی کورٹ کا فیصلہ نہیں آتا تب تک انکے موکل کو اشتہاری قراردینے کی کاروائی روکی جائے۔بعدازاں عدالت نے شرجیل انعام میمن کو اشتہاری قرار دینے سے متعلق اخبار میں شائع اشتہار طلب کرتے ہوئے کیس کی سماعت 25فروری تک ملتوی کردی ہے۔#