فلم ’’جوانی پھر نہیں آنی2 ‘‘ کے سیکوئیل سے حمزہ علی عباسی اور سوہا علی ابڑو فارغ

منگل 21 فروری 2017 12:43

لاہور(اُردو پوائنٹ اخبارتازہ ترین - آئی این پی۔ 21 فروری2017ء) سال 2015 میں پاکستانی شوبز کی مشہور کامیڈی فلم ’’جوانی پھر نہیں آنی‘‘ کی کامیابی کے بعد سیکول کی تیاریاں کی جارہی ہیں تاہم اس فلم کے سیکوئل میں حمزہ علی عباسی کی جگہ معروف میزبان اور اداکار فہد مصطفی اداکاری کے جوہر دکھائیں گے۔ فلم کی شوٹنگ رواں سال مارچ میں شروع ہو گی۔

(جاری ہے)

فلم کی کہانی کے مصنف واسع چوہدری نے اپنے انسٹاگرام اکاو نٹ پر اس پیش رفت سے متعلق شائقین کو آگاہ کیا اور مزید حیران کن بات یہ ہے کہ پہلی فلم میں بہترین اداکاری کرنے سوہائے علی ابڑو بھی سیکوئل کا حصہ نہیں ہوں گی۔

واسع چوہدری نے ہمایوں سعید، فہد مصطفی اور احمد بٹ کے ساتھ ایک تصویر اپ لوڈ کی اور پیغام میں کہا کہ ’’ تو جوانی پھر نہیں آنی 2 کچھ اس طرح نظر آئے گی، فہد مصطفی‘ میں کہتا ہوں ایک بار پھر سوچ لو۔‘‘