سبزی منڈی پولیس کی کارروائی ،تین منشیات فروش گرفتار،چرس اور ہیروئن برآمد

منگل 21 فروری 2017 21:13

اسلام آباد(اُردو پوائنٹ اخبارتازہ ترین - آئی این پی۔ 21 فروری2017ء) سبزی منڈی پولیس کی کارروائی ،تین منشیات فروش گرفتار،چرس اور ہیروئن برآمد۔ملزم محمد رمضان پہلے بھی منشیات فروشی کے مقدمات میں چالان یافتہ ہے۔ملزمان کے خلاف مقدمات درج تفتیش شروع کر دی گئی ۔تفصیلات کے مطابق ایس ایس پی اسلام آباد ساجد کیانی کی خصوصی ہدایات پر اے ایس پی انڈسٹریل ایریا حسام اقبال کی نگرانی میںایس ایچ او تھانہ سبزی منڈی اسجد محمود ،سب انسپکٹر محمد بشیر اور دیگر ملازمان نے منشیات فروشوں کے خلاف موثر کارروائی کرتے ہوئے تین منشیات فروش گرفتار کر لئے ۔

ملزم محمد رمضان ولد محمد ریاض سکنہ تحصیل و ضلع خوشاب حال فوجی کالونی راولپنڈی سے 2100 گرام چرس ، عمران علی ولد غلام علی سکنہ خیبر ایجنسی کو سیکٹر آئی الیون سروس روڈ سے 1400گرام چرس ،ملزم محمد عامر سے 350 گرام ہیروئن برآمد کر کے مقدمات درج کر لئے ۔

(جاری ہے)

ملزم محمد رمضان قبل ازیں بھی منشیات فروشی کے مقدمات میں چالان ہو چکا ہے مزید تفتیش جاری ہے ۔علاوہ ازیں تھانہ سیکرٹریٹ پولیس نے ملزم وحید مسیح سے پسٹل تیس بور برآمد کیا ۔کوہسار پولیس نے غیر قانونی گیس سلنڈ ر بھرائی کرنے پر تین ملزمان نور محمد ،عامر شہزاد اور یٰسین کو گرفتار کیا۔ایس ایس پی اسلام آباد ساجد کیانی نے پولیس ٹیم کی بہترین کارکردگی پر شاباش اور نقد انعامات دینے کا اعلان کیا۔