پاک فوج کے ترجمان نے سوشل میڈیا پر آئی ایس پی آر سے منسوب پیغامات کو بے بنیاد قرار دیدیا

خطرناک پیغامات پر مشتمل پیغامات سے آئی ایس پی آر کا کوئی تعلق نہیں ہے، آئی ایس پی آر کے پیغامات صرف آفیشل ویب سائٹ کے ذریعے جاری کیے جاتے ہیں،عوام سے اپیل ہے کہ وہ جعلی پیغامات آگے نہ پھیلائیں،پیغامات کی آئی ایس پی آر کی ویب سائٹ سے تصدیق کی جائے،آئی ایس پی آر

منگل 21 فروری 2017 23:17

راولپنڈی(اُردو پوائنٹ اخبارتازہ ترین - آئی این پی۔ 21 فروری2017ء) پاک فوج کے ترجمان نے سوشل میڈیا پر آئی ایس پی آر سے منسوب پیغامات کو بے بنیاد قرار دیتے ہوئے کہا ہے کہ سوشل میڈیا پر آئی ایس پی آر سے منسوب پیغامات افواہیں ہیں ، خطرناک پیغامات پر مشتمل پیغامات سے آئی ایس پی آر کا کوئی تعلق نہیں ہے ۔

(جاری ہے)

منگل کو پاک فوج کے شعبہ تعلقات عامہ (آئی ایس پی آر ) کے ڈی جی میجر جنرل آصف غفور نے اپنے بیان میں کہا کہ آئی ایس پی آر کے پیغامات صرف آفیشل ویب سائیٹ کے ذریعے جاری کیے جاتے ہیں ۔

یہ پیغامات وٹس ایپ کے ذریعے شیئر نہیں کیے جاتے ۔ سوشل میڈیا پر آئی ایس پی آر سے منسوب پیغامات افواہیں ہیں ۔ خطرناک پیغامات پر مشتمل پیغامات سے آئی ایس پی آر کا کوئی تعلق نہیں ہے ۔ عوام سے اپیل ہے کہ وہ جعلی پیغامات آگے نہ پھیلائیں۔پیغامات کی آئی ایس پی آر کی ویب سائٹ سے تصدیق کی جائے۔