چھ ماہ میں سوئی ناردن گیس کمپنی کو ساڑھے تین ارب روپے سے زائد کا منافع

حکومت کی جانب سے ایل این جی کی درآمدات میں اضافے کے باعث کمپنی کی سیلز بڑھی اور اس کے منافع میں اضافہ ہوا، ماہرین

بدھ 22 فروری 2017 19:50

چھ ماہ میں سوئی ناردن گیس کمپنی کو ساڑھے تین ارب روپے سے زائد کا منافع

لاہور(اُردو پوائنٹ اخبارتازہ ترین - آن لائن۔ 22 فروری2017ء) خسارے میں چلنے والا سرکاری ادارہ منافع کمانے لگا۔ چھ ماہ میں سوئی ناردن گیس کمپنی کو ساڑے تین ارب روپے سے زائد کا منافع ہوا۔خسارے میں چلنے والی کمپنی ایس این جی پی ایل ایک بار پھر منافع کمانے لگی۔

(جاری ہے)

پاکستان سٹاک یکسچینج میں جاری اعلامیہ میں بتایا گیا ہے کہ کمپنی نے گزشتہ 6 ماہ کے دوران 152 ارب روپے کی گیس فروخت کی۔

گیس کی فروخت میں 28 فیصد اضافے کے باعث کمپنی کو 3 ارب 60 کروڑ روپے کا منافع ہوا ہے۔ماہرین کے مطابق حکومت کی جانب سے ایل این جی کی درآمدات میں اضافے کے باعث کمپنی کی سیلز بڑھی اور اس کے منافع میں اضافہ ہوا۔ مستقبل میں ایل این جی ٹرمینل کی تعمیر سے گیس کی سپلائی مزید بڑھے گی وہیں کمپنی کی سیلز میں بھی مزید اضافے کا امکان ہے۔