برطانیہ ،نیشنل ہیلتھ سروس کے لیے کام کرنے کے خواہش مند غیر ملکی ڈاکٹروں کے امتحانات کو مذید سخت بنایا جائے، نئی تحقیق میں سفارش

اتوار 20 اپریل 2014 07:02

لندن(اُردو پوائنٹ اخبار آن لائن۔20اپریل۔2014ء)برطانیہ میں ایک نئی تحقیق میں سفارش کی گئی ہے کہ نیشنل ہیلتھ سروس کے لیے کام کرنے کے خواہش مند غیر ملکی ڈاکٹروں کے امتحانات کو مذید سخت بنایا جائے۔برطانوی نشریاتی ادارے کے مطابق یونیورسٹی کالج لندن کے تحقیق میں یہ بات سامنے آئی ہے کہ بین الاقوامی ڈاکٹروں اور برطانیہ میں تربیت پانے والے ڈاکٹروں کی کارکردگی میں ’فرق‘ پایا جاتا ہے۔

تحقیق کے مطابق ’بین الاقوامی ڈاکٹروں کے لیے این ایچ ایس میں داخلے کے امتحان پاس کرنے کے لیے درکار نمبر خاصے زیادہ ہونے چاہییں۔غیر ملکی ڈاکٹروں کی تنظیم ’برٹش انٹرنیشنل ڈاکٹرز ایسوسی ایشن‘ نے تحقیق سے اختلاف کرتے ہوئے کہا کہ تمام ڈاکٹروں کے لیے امتحان کا ایک ہی معیار ہونا چاہیے۔

(جاری ہے)

برطانیہ کی جنرل میڈیکل کونسل کے کہنے پر کی گئی مذکورہ تحقیق کے مطابق ہر سال 13 سو غیر ملکی ڈاکٹر این ایچ ایس کا امتحان پاس کرتے ہیں جس میں ان کی طبعی صلاحتیوں اور انگریزی زبان پر عبور کو پرکھا جاتا ہے۔

تحقیق کے نتائج کے مطابق پاس ہونے والے ڈاکٹروں کی کارکردگی سے ظاہر ہوتا ہے کہ ان میں نصف تعداد ایسے ڈاکٹروں کی ہوتی ہے جنھیں اس امتحان میں کامیاب نہیں قرار دیا جانا چاہیے تھا۔ اس بنیاد پر تحقیق کی سفارش یہ ہے کہ غیر ملکی ڈاکٹروں کے لیے ٹیسٹ میں کامیاب ہونے کے لیے درکار نمبر 63 فیصد سے بڑھا کر 78 فیصد کیے جائیں۔این ایچ ایس میں ملازمت کرنے والے ایسے ڈاکٹروں کی تعداد 95 ہزار ہے جنھوں نے میڈیکل کے امتحانات دیگر ممالک سے پاس کیے ہیں۔

یہ تعداد این ایچ ایس سے منسلک ڈاکٹروں کی کْل تعداد کا ایک چوتھائی ہے۔واضح رہے کہ اس سال موسم گرما سے غیر ملکی ڈاکٹروں کے لیے انگریزی زبان کا امتحان بھی سخت بنایا جا رہا ہے۔ اس سلسلے میں جنرل میڈیکل کونسل کے سربراہ نیال ڈکسن نے بی بی سی کو بتایا کہ غیر ملکی ڈاکٹروں میں کئی ڈاکٹر ایسے ہیں جو خود تسلیم کرتے ہیں کہ انھیں برطانیہ کے ہسپتالوں میں کام کرنے میں دقت کا سامنا کرنا پڑتا ہے۔

نیال ڈکسن کی تجویز ہے کہ ہمیں اس سلسے میں مذید اقدامات کی ضرورت ہے تا کہ ہم کام کی غرض سے برطانیہ آنے والے ڈاکٹروں کی مدد کر سکیں اور انھیں معلوم ہو کہ ایک مختلف معاشرے اور کلچر میں کیا مشکلات پیش آ سکتی ہیں۔’ّڈاکٹر پھولوں کی طرح ہوتے ہیں۔ ہم انہیں ایک باغ سے اکھاڑ کر دوسرے باغ میں لگا کر یہ امید نہیں کر سکتے کہ وہ نئے باغ میں بھی پھلے پھولیں گے۔

’انہیں مدد کی ضرورت ہوتی، اور میرا خیال نہیں کہ ہم بطور ملک یا این ایچ ایس بطور ادارہ برطانیہ آنے والے غیر ملکی ڈاکٹروں کی مناسب مدد کر رہے ہیں۔ ڈکسن نے غیر ملکی ڈاکٹروں کو سراہتے ہوئے این ایچ ایس کے لیے ان کی خدمات کو ’شاندار‘ قرار دیا، تاہم ان کہنا تھا کہ ہمیں برطانیہ میں زیادہ سے زیادہ ڈاکٹر پیدا کرنے چاہییں اور غیر ملکی ڈاکٹروں پر انحصار کو کم کرنا چاہیے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی

بدھ 24 اپریل 2024 - 18:04

Mohammad Rizwan likely to miss Ireland, England tour
The wicketkeeper-batsman injured his right hamstring while batting ..

پاکستانی ٹیم کے سینئر اور تگڑے ترین کھلاڑی کی طویل عرصے کیلئے کرکٹ کے میدانوں سے دور ہو جانے کا خدشہ

بدھ 24 اپریل 2024 - 15:36

مزید چار ایرانی افراد و اداروں پر امریکی پابندیاں عائد

بدھ 24 اپریل 2024 - 11:50

بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ

بدھ 24 اپریل 2024 - 00:10

معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم

منگل 23 اپریل 2024 - 21:41

معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ ..

منگل 23 اپریل 2024 - 21:38

برطانیہ ،نیشنل ہیلتھ سروس کے لیے کام کرنے کے خواہش مند غیر ملکی ڈاکٹروں کے امتحانات کو مذید سخت بنایا جائے، نئی تحقیق میں سفارش

مزید متعلقہ خبریں پڑھئیے‎ :

متعلقہ عنوان :

اتوار 20 اپریل 2014 کی مزید خبریں