کراچی اسٹاک مارکیٹ ایک روزہ مندی کے بعد ہی تیزی کی سمت گامزن ہو گئی،کاروباری سرگرمیاں بڑھنے سے انڈیکس ایک بار پھر29000پوائنٹ کی سطح عبور کر گیا ، کاروباری حجم70کھرب روپے کی سطح کے قریب پہنچ گیا اور کاروباری لین دین بھی پیر کی نسبت3کروڑ شیئرز زائد رہا
کراچی (اُردو پوائنٹ اخبار آن لائن۔23اپریل۔2014ء ) کراچی اسٹاک مارکیٹ ایک روزہ مندی کے بعد ہی تیزی کی سمت گامزن ہو گئی،کاروباری سرگرمیاں بڑھنے سے انڈیکس ایک بار پھر29000پوائنٹ کی سطح عبور کر گیا جبکہ کاروباری حجم70کھرب روپے کی سطح کے قریب پہنچ گیا اور کاروباری لین دین بھی پیر کی نسبت3کروڑ شیئرز زائد رہا ۔وزیر اعظم پاکستان میاں محمد نواز شریف کے دورہ سندھ کے موقع پر کراچی سمیت سندھ بھر میں امن وامان کے قیام کو یقینی بنانے کی ہدایت ،سندھ کی دو بڑی سیاسی قوتوں کے درمیان ورکنگ ریلیشن شپ قائم ہونے کی اطلاعات اور اس کے نتیجے میں سیاسی کشیدگی کے خاتمے کے امکانات پر منگل کو کراچی اسٹاک مارکیٹ میں کاروبار کے آغاز سے ہی تیزی کا رجحان غالب رہا ،سرمایہ کارو ں کی سیمنٹ ،بینکنگ ،توانائی سیکٹر میں سرگرمی کے سبب ٹریڈنگ کے دوران کے ایس ای100انڈیکس 28900،29000، 29100اور29200پوائنٹ کی4نفسیاتی حدوں کو عبور کر گیا تاہم تکینکی گراوٹ کے خدشات پر چھوٹے سرمایہ کاروں تذبذب کا شکار ہے اور منافع کی غر ض سے شارٹ ٹرم فروخت نے انڈیکس کو29200پوائنٹ کی سطح سے نیچے گرا دیا اور کاروبار کے اختتام پر کے ایس ای100انڈیکس 313.07پوائنٹ کے اضافے سے29191.84پوائنٹ پر بند ہوا اسی طرح 220.28پوائنٹ کے اضافے سے کے ایس ای30انڈیکس 20337.55پوائنٹ اور کے ایس ای آل شیئرز انڈیکس 21591.61پوائنٹ سے بڑھ کر21791.59 تک جا پہنچا ۔
(جاری ہے)
مزید متعلقہ خبریں پڑھئیے :
متعلقہ عنوان :
