طواف کعبہ کیلئے بنائے جانے والے عارضی پل کی زیریں منزل استعمال کیلئے کھول دی گئی

ہفتہ 3 مئی 2014 07:42

مکہ مکرمہ(اُردو پوائنٹ اخبار آن لائن۔3مئی۔2014ء)طواف ِ کعبہ کے لئے بنائے جانے والے دو منزلہ عارضی پُل کی زیریں منزل گذشتہ روز استعمال کے لئے کھول دی گئی‘ بالائی منزل پر طواف پہلے سے جاری ہے ۔ یہ پل 2618مربع میٹر پر جگہ بنایا گیا ہے ‘اس کی چوڑائی 10میٹر اور اونچائی زمین سے 4.6میٹر ہے ۔ اس پر ایک گھنٹے کے دوران 5ہزار افراد کعبہ کے گرد طواف کر سکتے ہیں ۔

(جاری ہے)

مکہ مکرمہ کے گورنر شہزادہ مشال بن عبد اللہ نے اس پل کا افتتاح کیا جو مسجد الحرام میں جاری توسیعی و تعمیراتی کام کے دوران طواف کرنے والوں کی سہولت کی لئے تعمیر کیا گیا ہے ۔ اس موقع پر گورنر مکہ نے مسجد الحرام کی انتظامیہ کی طر ف سے معذور ‘بیمار اور معمر افراد کے طواف کے لئے فراہم کی جانے والی الیکٹرانک وہیل چیئرز کا بھی افتتاح کیا ۔