مسئلہ کشمیر تاریخی حقیقت ، خطے میں امن کے لئے اسکا حل نا گزیر ہے ‘ چین،پاکستان اور بھارت مسئلہ کے حل کیلئے سنجیدہ اقدامات کریں‘ کشمیر میں چینی فوج کی موجودگی سے بھارت کو پریشان ہونے کی ضرورت نہیں بیجنگ بھارت کیخلاف جارح عزائم نہیں رکھتا، وزارت خارجہ
بیجنگ(اُردو پوائنٹ اخبار آن لائن۔2اگست۔2014ء) چین نے کہا ہے کہ مسئلہ کشمیر ایک تاریخی حقیقت ہے، پاکستان اور بھارت کو اس کے حل کیلئے سنجیدہ نوعیت کے اقدامات اٹھانے چاہئیں۔ غیر ملکی خبر رساں ادارے کے مطابق چینی وزارت خارجہ کی جانب سے جاری ہونے والے بیان میں کہا گیا ہے کہ یہ بات درست ہے کہ پاکستانی زیر انتظام کشمیر میں چینی لبریشن آرمی موجود ہے تاہم تعمیرا تی منصو بو ں پر کا م کر رہی ہے پراجیکٹ مکمل ہونے پر اہلکاروں کو واپس بلالیا جائے گا۔
(جاری ہے)
بیان میں کہا گیا ہے کہ کشمیر میں چینی فوج کی موجودگی سے بھارت کو پریشان ہونے کی ضرورت نہیں ہے کیونکہ چین بھارت کیخلاف جارحیت کے عزائم نہیں رکھتا۔ بیان میں کہا گیا ہے کہ مسئلہ کشمیر بارے چین کا موقف واضح ہے کہ یہ ایک تاریخی حقیقت ہے اور پاکستان اور بھارت دونوں ممالک کو چاہئے کہ وہ مسئلے کے حل کیلئے سنجیدہ اقدامات اٹھائیں۔ بیان میں کہا گیا ہے کہ خطے میں امن و امان کو قائم کرنے کیلئے مسائل کا حل ضروری ہے اور جب تک پیچیدہ مسائل کو حل نہ کیا جائے خطے میں امن قائم نہیں ہوسکتا۔ بیان میں کہا گیا ہے کہ بھارت چین کیساتھ مسائل کے حل کیلئے سنجیدہ نہیں ہورہا۔
مزید متعلقہ خبریں پڑھئیے :
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
متعلقہ عنوان :
