جنرل راشدمحمودکی سعودی فرمانرواہ شاہ سلمان سے ملاقات ،شاہ عبداللہ کی وفات پراظہارتعزیت، شاہ عبداللہ کی معاشی ترقی اور انسداد دہشتگردی کی کوششوں پرخراج تحسین پیش

بدھ 4 فروری 2015 09:13

راولپنڈی/ریاض(اُردو پوائنٹ اخبارآن لائن۔ 5فروری۔2015ء)چیئرمین جوائنٹ چیف آف سٹاف کمیٹی جنرل راشدمحمودنے سعودی فرمانرواشاہ سلمان بن عبدالعزیزالسعودسے ملاقات میں شاہ عبداللہ کی وفات پرتعزیت کااظہارکیا۔چیئرمین جوئنٹ چیف آف سٹاف کمیٹی نے ملاقات میں شاہ عبداللہ کی معاشی ترقی اورانسداددہشتگردی کی کوششوں پرانہیں خراج تحسین پیش کیا۔

انہوں نے پاکستان حکومت اورافواج کی طرف سے نیک خواہشات کاپیغام پہنچایا۔جنرل راشدمحمودنے سعودی قیادت کی آنے والے چیلنجزسے نمٹنے میں کامیابی اورخوشحالی کی خواہش کااظہارکیا۔جاری پریس ریلیزکے مطابق جنرل راشدمحمودنے سعودی شہزادہ محمودبن سلمان عبدالعزیزالسعود،وزیردفاع شہزادہ مطب بن عبداللہ ،سعودی عرب نیشنل گارڈکے کمانڈرعبدالرحمن بن علی الربائن ،نائب وزیرداخلہ اورچف آف جنرل سٹاف جنرل عبدالرحمن بن صالح بن البنیان سے بھی ملاقات کی اورپروفیشنل دلچسپی کے معاملات پرگفتگو کی ،جس میں دفاعی پیداوارمیں تعاون ایکسچینج پروگرامز،تربیت اوردونوں مسلح افواج کے مابین دوسرے شعبے شامل ہیں ۔

(جاری ہے)

معززین نے ابھرتی ہوئی علاقائی سیکورٹی صورتحال پربھی توجہ مرکوزکی ۔جنرل راشدنے حکومت کی طرف سے قومی ایکشن پلان کے تحت اٹھائے گئے اقدامات ،آپریشن ضرب عضب اورنئی افغان حکومت کے ساتھ تعلقات کی بہتری کیلئے کی گئی کوششوں کی تفصیلات بتائیں

متعلقہ عنوان :