سفارتی اہلکار کی گرفتاری پر پاکستان کا افغانستان سے احتجاج، پاکستانی حکام کے خدشات کو افغان حکام تک پہنچائیں گے، افغان سفیر

ہفتہ 4 جولائی 2015 09:07

اسلام آباد(اُردو پوائنٹ اخبارآن لائن۔4 جولائی۔2015ء)پاکستانی حکام نے قندہار میں پاکستانی قونصلیٹ جنرل کے اہلکار کو حبس بیجا میں رکھنے پر اسلام آباد میں افغان سفیر کو طلب کرکے اْنھیں احتجاجی مراسلہ دیا ہے۔افغان حکام پاکستانی قونصلیٹ کے اہلکار کو زبردستی اپنے ساتھ لے گئے تھے تاہم افغانستان میں موجود پاکستانی سفارت خانے اور وزارت خارجہ کی کوششوں سے پاکستانی اہلکار کی رہائی ممکن ہو سکی اور مذکورہ اہلکار کو کابل میں پاکستانی سفارت خانے کے حوالے کر دیا گیا۔

بیان میں اس اہلکار کا نام نہیں بتایا گیا جس کو افغان حکام زبردستی اپنے ساتھ لے گئے تھے۔دفتر خارجہ کی طرف سے جاری ہونے والے بیان میں کہا گیا ہے کہ پاکستان میں تعینات افغان سفیر کو جمعرات کو طلب کیا گیا جس میں اس واقعے کے علاوہ افغان بارڈر پولیس کی طرف سے پاکستانی علاقے میں واقع انگور اڈا گیٹ پر بلا اشتعال فائرنگ پر بھی تشویش کا اظہار کیا۔

(جاری ہے)

فائرنگ کے واقعے میں دو سکیورٹی اہلکار زخمی ہوگئے تھے۔واضح رہے کہ افغان حکام نے بھی انگور اڈا میں پاکستانی سکیورٹی فورسز کی طرف سے کی جانے والی فائرنگ پر شدید احتجاج کیا تھا اور کابل میں پاکستانی سفیر کو دفتر خارجہ میں طلب کر کے ان سے شدید احتجاج کیا گیا تھا۔بیان میں مزید کہا گیا ہے کہ دونوں برادر ملکوں کے درمیان قریبی تعلقات ہیں اور ان تعلقات میں حال ہی میں اضافہ بھی ہوا ہے۔ بیان میں کہا گیا ہے کہ ان تعلقات کو مدِنظر رکھتے ہوئے ایسے واقعات رونما نہیں ہونے چاہییں۔افغان سفیر نے یقین دلایا کہ وہ پاکستانی حکام کے خدشات کو افغان حکام تک پہنچائیں گے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

آئی ایم ایف ایگزیکٹیو بورڈاجلاس کا29اپریل تک کا شیڈول جاری ‘پاکستان کا اقتصادی جائزہ شامل نہیں

ہفتہ 20 اپریل 2024 - 15:01

وفاقی وزیرخزانہ محمد اورنگزیب کی واشنگٹن ڈی سی میں چینی وزیرخزانہ لان فوان سے ملاقات

ہفتہ 20 اپریل 2024 - 14:57

وفاقی وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات

ہفتہ 20 اپریل 2024 - 14:57

چینی زبان عالمی منظر نامے میں بہت زیادہ اہمیت اختیار کرچکی،اقوام متحدہ کی چھ آفیشل زبانوں میں سے ایک ہے‘ مریم نوازشریف

ہفتہ 20 اپریل 2024 - 14:46

پاکستان میں چینی زبان و ادب کی ترویج کیلئے سرکاری و نجی سطح پر ہر ممکن اقدامات اٹھائے جا رہے ہیں ‘شہبازشریف

ہفتہ 20 اپریل 2024 - 14:46

قومی ، صوبائی اسمبلیوں کی 21نشستوں پرضمنی انتخابات (کل )ہونگے ،موبائل ، انٹرنیٹ سروس بند رکھنے کی سفارش

ہفتہ 20 اپریل 2024 - 14:46

سفارتی اہلکار کی گرفتاری پر پاکستان کا افغانستان سے احتجاج، پاکستانی حکام کے خدشات کو افغان حکام تک پہنچائیں گے، افغان سفیر

مزید متعلقہ خبریں پڑھئیے‎ :

متعلقہ عنوان :

ہفتہ 4 جولائی 2015 کی مزید خبریں