مذہب کے نام پر ہم انتہاپسندوں کو اقتدار پر قبضہ نہیں کرنے دیں گے،آصف زرداری،عوام بالخصوص پاکستانی نوجوان شہید ذوالفقار علی بھٹو کے سیاسی فلسفہ کا مطالعہ کریں اور اس فلسفہ کی مدد سے ملک کو درپیش سماجی، اقتصادی اورسیاسی چیلنجوں پر قابو پانے کی راہ ڈھونڈیں،سابق صدر کا بھٹو کی سالگرہ پر پیغام

منگل 5 جنوری 2016 09:31

اسلام آباد(اُردو پوائنٹ اخبارآن لائن۔ 5جنوری۔2016ء)پاکستان پیپلزپارٹی کے بانی چیئرمین ذوالفقار علی بھٹو شہید کی 88ویں سالگرہ کے موقع پر سابق صدر آصف علی زرداری نے اپنے پیغام میں پاکستانی عوام بالخصوص پاکستانی نوجوانوں سے اپیل کی ہے کہ وہ پاکستان کے پہلے براہِ راست منتخب وزیراعظم شہید ذوالفقار علی بھٹو کے سیاسی فلسفہ کا مطالعہ کریں اور اس فلسفہ کی مدد سے ملک کو درپیش سماجی، اقتصادی اورسیاسی چیلنجوں پر قابو پانے کی راہ ڈھونڈیں۔

شہید بھٹو کا نظریہ تھا کہ اقتدار کا سرچشمہ عوام ہیں۔ آج کے روز ہم اپنے اس عزم کا اعادہ کرتے ہیں کہ کسی فرد یا ادارے کوزبردستی اقتدار پر قبضہ نہیں کرنے دیں گے کیونکہ یہ اقتدار صرف اور صرف عوام کا حق ہے۔ سابق صدر کے ترجمان سینیٹر فرحت اللہ بابر نے سابق صدر کا حوالہ دیتے ہوئے کہا کہ آصف علی زرداری نے اپنے پیغام میں مزید کہا ہے کہ مذہب کے نام پر ہم انتہاپسندوں کو اقتدار پر قبضہ نہیں کرنے دیں گے۔

(جاری ہے)

انہوں نے کہا کہ شہید بھٹو نے ملک کو متفقہ آئین دیا جس میں کہا گیا ہے کہ صرف اور صرف پارلیمنٹ ہی کو اختیار ہے کہ عوام کے لئے آئین میں ترامیم کر سکے اور قانون سازی بھی کر سکے۔ عدلیہ کو یہ اختیار ہے کہ پارلیمنٹ کی جانب سے بنائے گئے قوانین کی آئین ہی کے تناظر میں نظرثانی کر سکے لیکن عدلیہ کوئی قانون سازی نہیں کرسکتی اور نہ ہی اس کی مجاز ہے۔

قوانین پر انتظامیہ کو بغیر کسی کی دخل اندازی کے عمل کرنا چاہیے۔ آج کے روز ہم آئین کی حفاظت کے عزم کا اعادہ بھی کرتے ہیں۔ سابق صدر آصف علی زرداری نے کہا کہ پاکستان پیپلزپارٹی اس بات پر یقین رکھتی ہے کہ کرپشن کے بے جا الزامات لگائے جاتے رہے ہیں۔ من پسند احتساب، مقدس گائے کا نظریہ، دوہرا معیار اور سیاسی جوڑ توڑ کے لئے کرپشن کا نام استعمال کرنا بھی بدترین قسم کی کرپشن ہے۔

اس کی مزاحمت کی جائے گی۔ ہمیں "دانش کی کرپشن" کے مسئلہ سے بھی نمٹنا ہے۔ وہ لوگ جنہوں نے پی سی او کے تحت حلف لے کر آئین سے روگردانی کی، ڈکٹیٹروں کی جانب سے ملک پر قبضہ کی توثیق کی اور" نان سٹیٹ ایکٹرز" کے ذریعہ ملکی سلامتی کو داؤ پر لگایا ان سب لوگوں کا احتساب بھی ہونا چاہیے۔ آج کے دن پاکستان پیپلزپارٹی ان تمام لوگوں کو خراجِ عقیدت اور خراجِ تحسین پیش کرتی ہے جنہوں نے ظلم کے خاتمے کے لئے جدوجہد کی، جبر کی مزاحمت کی، جمہوریت کی بحالی کے لئے قربانیاں پیش کیں اور جمہوری روایات کے ساتھ ثابت قدم رہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری

جمعرات 18 اپریل 2024 - 22:32

دہشتگردی کا عفریت پھر اپنا گھناؤنا سر اٹھا رہا ہے، پڑوسی ممالک سے دہشتگرد گروہوں کا سختی سے نوٹس لینے کی توقع ہے ، صدر زر داری

جمعرات 18 اپریل 2024 - 21:02

رینجرز اور پولیس کی مشترکہ کارروائی، متعدد وارداتوں میں ملوث4 ملزمان گرفتار

جمعرات 18 اپریل 2024 - 20:17

ملکی مسائل کے حل کیلئے بامعنی مذاکرات اور پارلیمانی اتفاق رائے درکارہے، پولرائزیشن سے ہٹ کر عصر حاضر کی سیاست کی طرف بڑھنا ملکی ضرورت ہے، صدر مملکت ..

جمعرات 18 اپریل 2024 - 20:14

صدر مملکت آصف علی زرداری کا پارلیمنٹ ہائوس پہنچنے پر وزیراعظم شہباز شریف نے استقبال کیا

جمعرات 18 اپریل 2024 - 20:12

صدرمملکت آصف علی زرداری نے سینیٹ اجلاس 22 اپریل کو طلب کر لیا

جمعرات 18 اپریل 2024 - 20:12

مزید متعلقہ خبریں پڑھئیے‎ :

متعلقہ عنوان :

منگل 5 جنوری 2016 کی مزید خبریں