وفا ق نے صوبائی حکومت کے کے مشورے پر آئی جی سندھ پو لیس غلام حیدر جمالی کو ایڈیشنل آئی جی اسپیشل برانچ سندھ تعینات کردیا ، اے ڈی خوا جہ نئے آئی جی سندھ پولیس مقرر ، سندھ حکومت نے نئے آئی جی پولیس کو پولیس میں اہم تبدیلیوں کا فری ہینڈ دیدیا، اے ڈی خواجہ کی وزیر اعلی سندھ سے ملاقات
کرا چی(اُردو پوائنٹ اخبارآن لائن۔ 13مارچ۔2016ء)وفا قی حکومت نے ہفتہ کے روزحکومت سندھ کے مشورے سے آئی جی سندھ پو لیس غلام حیدر جمالی کو ہٹاکر ایڈیشنل آئی جی اسپیشل برانچ سندھ اے ڈی خوا جہ کو نیا آئی جی سندھ پولیس مقرر کر دیا غلام حیدر جمالی کے خلاف دوماہ قبل سپریم کورٹ نے12ہزاراہلکاروں کی غیر قانونی بھرتیوں اور پولیس فنڈز سے40کروڑروپے نکلوانے کی تحقیقات کا حکم دیا تھا یوں سینئر پولیس افسران اے ڈی خواجہ،ثنااللہ عباسی اور سلطان خواجہ نے تحقیقات کرکے سپریم کورٹ میں رپورٹ جمع کرادی جس میں انہوں نے سپریم کورٹ کو آگاہ کیا کہ12ہزاراہلکاروں کی بھر تی غیر قانونی تھی کیو نکہ اس میں قد،چھاتی کی ناپ عمراور تعلیمی اسنادکو چیک نہیں کیا گیا تھا اور بعض پولیس افسران کو ٹا رگٹ دیاگیا کہ وہ اتنے ہزار اہلکاربھرتی کریں اور ان سے مبینہ طورپر فی4سے5لاکھ روپے لیے گئے اس طرح پولیس فنڈز سے اچانک40کروڑ روپے نکال لیے گئے اور تمام ادائیگی کیش میں کی گئی جوقانون کے خلاف ہے اور پھر ان اضلاع میں کیش تقسیم کی گئی جہاں امن امان کی صورتحال خراب نہ تھی ان رپورٹوں پر جب سپریم کورٹ نے کارروائی کاآغاز کیاتو آئی جی سندھ پولیس اپنے دفاع میں ریکارڈ پیش نہ کر سکے اور الٹا سپریم کورٹ کی بینچ پر عدم اعتماد کردیا ان کے اس اعتراض کو مسترد کردیا گیا اب ایک طرف چیف سیکر یٹری اور دوسری طرف نیب ان معاملات کی تحقیقات کر رہے ہیں ۔
(جاری ہے)
مزید متعلقہ خبریں پڑھئیے :
