تحریک انصاف کا انٹرا پارٹی الیکشن ملتوی،کرپشن کیخلاف عوام کو متحرک کرنیکا اعلان
نواز شریف کے احتساب کے معاملے سے ہرگز دستبردار نہیں ہوں گے،عمران خان چیئرمین پی ٹی آئی کی زیر صدارت ٹی او آرز معاملے پر اجلاس، شاہ محمود قریشی کی پارلیمانی کمیٹی کی کارروائی پر بریفنگ ٹی او آرز پر کچھ اختلاف سامنے آئے ہیں اپوزیشن حکومت کو ٹف ٹائم دے گی آنے والے چند ہفتے بہت اہم ہیں،نعیم الحق
ہفتہ 28 مئی 2016 10:00
اسلام آباد (اُردو پوائنٹ اخبارآن لائن۔28 مئی۔2016ء) تحریک انصاف کے چیئرمین عمران خان نے کہا ہے کہ وزیر اعظم نواز شریف کے احتساب کے معاملے سے دستبردار ہرگز نہیں ہوں گے میڈیا رپورٹ کے مطابق عمران خان کی زیر صدارت ٹی او آرز سے متعلق معاملے پر اعلی سطح کا اجلاس اسلام آباد میں منعقد ہوا اجلاس میں شاہ محمود قریشی نے عمران خان کو ٹی او آرز کمیٹی کی کارروائی پر بریفنگ دی جس پر عمران خان نے ٹی او آرز کمیٹی کی کارروائی پر پریشانی کا اظہار کرتے ہوئے کہا کہ وزیر اعظم کو احتساب سے کبھی دستبردار نہیں ہونے دیں گے ۔
شاہ محمود قریشی کا کہنا تھا کہ حکومت اس مسئلے پر سنجیدہ نظر نہیں آ رہی ہے تاہم اپوزیشن اپنے موقف پر قائم رہے گی ترجمان پی ٹی آئی نعیم الحق کا کہنا ہے کہ ٹی او آرز پر کچھ اختلاف سامنے آئے ہیں اپوزیشن حکومت کو اس پر ٹف ٹائم دے گی آنے والے چند ہفتے بہت اہم ہیں پانامہ لیکس کے معاملے پر حکومت پر دباؤ رکھنا چاہئے ۔(جاری ہے)
پاکستان تحریک انصاف کی قیادت نے پانامہ لیکس اور اس کی تحقیقات کے حوالے سے پیدا ہونے والی صورتحال کے پیش نظر انٹرا پارٹی الیکشن غیر معینہ مدت تک ملتوی کرنے کا فیصلہ کیا ہے اور ملک میں کرپشن، بدعنوانی،ٹیکس چوری اور منی لانڈرنگ کے خلاف بڑے پیمانے پر عوام کو متحرک کرنے کا اعلان کیا ہے۔
مرکزی میڈیا ڈیپارٹمنٹ کی جانب سے جاری تفصیلات کے مطابق انتخابات کے التواء کا فیصلہ چیئرمین تحریک انصاف کی زیر صدارت اعلی سطحی اجلاس کے دوران کیا گیا۔ اجلاس کے اختتام پر چیئرمین تحریک انصاف کی ترجمان ڈاکٹر شیریں مزاری کا اپنے بیان میں کہنا تھا کہ پاکستان اپنی تاریخ کے اہم ترین دور سے گزر رہا ہے اور پانامہ پیپرز کے ذریعے سامنے آنے والے انکشافات کی تحقیقات کے حوالے سے معاملات سنگینی کا رخ اختیار کر رہے ہیں۔ ایسے میں تحریک انصاف کی قیادت یہ سمجھتی ہے کہ اسے اپنی تمام تر توانائیاں اور توجہ کرپشن ، بدعنوانی، ٹیکس چوری اور منی لانڈرنگ کے خلاف ایک ملک گیر تحریک برپا کرنے پر مرکوز کرنی چاہے۔ جس کے باعث انٹرا پارٹی انتخابات کے غیر معینہ مدت تک التواء کا فیصلہ کیا گیا۔ ان کا کہنا تھا کہ تحریک انصاف کی قیادت انٹراء پارٹی انتخابات کے حوالے سے اپنے واضح عزم کا از سر نو اعادہ کرتی ہے تاہم فی الوقت انہیں غیر معینہ مدت تک ملتوی کرنے کا فیصلہ کیا گیا ہے۔ اپنے بیان میں انہوں نے بتایا کہ تحریک انصاف کی قیادت نے مسلم لیگ ن کی وفاقی حکومت کی جانب سے پاکستان الیکٹرانک میڈیا ریگولیٹری اتھارٹی کے ذریعے آزاد میڈیا کا گھلا گھونٹنے کی کوششوں پر شدید تشویش کا اظہار کیا ہے۔ ان کا کہنا تھا کہ مسلم لیگ نواز پیمرا میں متنازعہ طو رپر مقرر کیے گئے چیئرمین ابصار عالم کے ذریعے ایسے ٹی وی چینلز جو حکومتی جھوٹ اور پراپگینڈہ کا حصہ بننے سے انکار کرتے ہیں کو ہراساں کررہی ہے۔ ان کے مطابق حکومت کی جانب سے قومی خزانے کے بل بوتے پر میڈیا کو کرپٹ اور بدعنوان عناصر کے خلاف تحقیقات سے روکنے کی کوششیں بھی ناقابل قبول ہیں، جبکہ حکومتی پراپگینڈہ کا حصہ بننے والے ٹی وی چینلز پر دولت کی بوچھاڑ بھی انتہائی تشویشناک ہے۔ انہوں نے کہا کہ میڈیا نے اپنی آزادی کیلئے انتھک جدوجہد کی ہے، چنانچہ تحریک انصاف حکومت کو پیمرا کے ذریعے آزاد میڈیا کا بازو مروڑنے کی اجازت کسی صورت نہیں دے گی۔ دوسری جانب مرکزی سیکرٹری اطلاعات نعیم الحق نے میڈیا سے گفتگو کرتے ہوئے قیادت کے فیصلے پر روشنی ڈالی اور کہا کہ پانامہ انکشافات کی غیر جانبدارانہ اور موثر تحقیقات کیلئے حکومت پر دباؤ بڑھاتے رہنا انتہائی ضروری ہے، جس کے باعث تحریک انصاف نے انٹرا پارٹی کے حوالے سے اپنی سرگرمیاں ملتوی کرنے کا فیصلہ کیا ہے۔ انہوں نے کہا کہ پانامہ پیپرز کی تحقیقات کیلئے تحریک انصاف ملک بھر میں عوام اور کارکنان کو متحرک کرے گی اور حکومت کی جانب سے اربوں روپے کے فنڈز کی تقسیم بھی حکومت کے حق میں خاصی کارگر ثابت نہ ہو سکے گی۔ انہوں نے کہا کہ الیکشن کمیشن اور سپریم کور ٹ کو بھی اپنے آئینی و قانونی فرائض کی بجا آوری کا حساس ہونا چاہیے اور اہم قومی اور ریاستی ادارے بھی اس ضمن میں اپنا کردار ادا کریں۔ ان کے مطابق حکومت کے پاس حزب اختلاف پندرہ معقول سوالات کا کوئی جواب نہیں۔مزید متعلقہ خبریں پڑھئیے :
ہفتہ 28 مئی 2016 کی مزید خبریں
-
لوٹی رقم واپس کرنے کو تیار ہوں،شفقت چیمہ کی نیب کو پیشکش
-
ایبٹ آباد،عنبرین قتل کیس،سپیکرخیبرپختونخواء اسمبلی کی انسداددہشت گردی عدالت آمد
-
آصفہ بھٹوزرداری کو کراچی پولیس کی ماموں بنانے کی کوشش، آصفہ بھٹو کا اظہار برہمی
-
ریلوے میں 47افرادکوغیرقانونی طریقہ سے بھرتی کرلیاگیا
-
شوگر ملوں کو سبسڈی کے تحت 14ارب ادا کر دیئے گئے، ملک میں چینی مہنگی ،4ارب وصول کرنیو الوں میں شریف خاندان، زرداری خاندان، جہانگیر ترین کے علاوہ دیگر مالکان شامل ہیں
-
پارلیمنٹ لاجز میں چوہوں ، لال بیگوں کی حکمرانی۔ خواتین ممبران قومی اسمبلی کی چیخیں نکل گئیں،۔ انسانی حقوق کی کمیٹی میں رونا دھونا شروع کر دیا
-
آزاد کشمیر میں ٹکٹوں کی تقسیم کے بعد مسلم لیگ ن میں بغاوت کا خدشہ ،پارٹی ٹوٹ پھوٹ کا شکار،پی ٹی آئی کی پوزیشن مستحکم ہونے کے امکانات بڑھ گئے
-
بجٹ2016-17 :پنجاب حکومت نے نئے ٹیکس لگانے کا فیصلہ کرلیا،تجاویز منظوری کیلئے وزیراعلیٰ کو مراسلہ ارسال
-
حکومت کا بجٹ 2016-17 میں جائیدادکی فروخت سے حاصل آمدن پرٹیکس لگانے کا فیصلہ
-
وزیراعظم نوازشریف کی منگل کولندن میں بائی پاس سرجری ہوگی
-
6ماہ میں شناختی کارڈز کی دوبارہ تصدیق
-
پاناما لیکس پارلیمانی کمیٹی کے اجلاس میں اپوزیشن کے ٹی او آرز پر ڈیڈ لاک،حکومتی ٹیم میں زاہد حامد شامل
-
آپریشن ضر ب عضب میں مسلح افواج کا باہمی تعاون اور قوم کی حمایت قابل تعریف ہے ، آرمی چیف
-
پانامہ لیکس کی تحقیقات کا آغاز وزیر اعظم اور ان کے خاندان سے ہی ہو، بلاول بھٹو
-
تحریک انصاف کا انٹرا پارٹی الیکشن ملتوی،کرپشن کیخلاف عوام کو متحرک کرنیکا اعلان
-
باہمی تعاون منصوبہ بندی کمیٹی کا اجلاس ،احسن اقبال،ثناء اللہ زہری میں شدید جھڑپ
-
اپنی سرزمین کو پاکستان کیخلاف استعمال نہیں ہونے دیں گے، ایرانی سفیر
-
قائمہ کمیٹی برائے سائنس اینڈ ٹیکنالوجی اجلاس:وفاقی وزیر کی عدم موجودگی پر چیئرمین کمیٹی اجلاس چھوڑ کر چلے گئے،آفتاب شعبان میرانی نے اجلاس کی صدارت کی
-
جس کا اپنا دامن پاک نہیں وہ دوسروں کے احتساب کی بات نہ کرے،فضل الرحمان
-
کم بجٹ کے باعث پاک چین راہداری منصوبوں میں رکاوٹ آ سکتی ہے،رپورٹ
-
سورج آ ج بیت اللہ شریف کے اوپر سے گزرے گا
-
اوباما ہیروشیما کادورہ کرنے والے پہلے امریکی صدر بن گئے، 2 لاکھ سے زیادہ انسانوں کو مار ڈالنے پر معافی نہیں مانگی
-
سعودی عرب نے 40 سال سے کم عمر افغان شہریوں کو عمرہ اور حج ویزا جاری کرنے سے انکار کر دیا
-
گوانتا ناموبے ،ابو زبیدہ نائن الیون کیس میں بطور گواہ طلب
-
افغانستان، سکیورٹی فورسز کا آپریشن کلین اپ 79طالبان ہلاک، متعدد زخمی
-
جی سیون سمٹ کا اختتام، عالمی اقتصادیات کی بہتری اولین ترجیح
-
آسٹریلوی پولیس نے 215کلو گرام منشیات برآمد کر کے چودہ غیر ملکیوں کو گرفتار کر لیا
-
امر یکہ ، ڈونلڈ ٹرمپ کو صدارتی نامزدگی کے لیے درکار حمایتی مل گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.