وزیر اعظم کا بہترین بجٹ پیش کرنے پر اسحاق ڈارور ان کی ٹیم کو شاباش

اتوار 5 جون 2016 11:12

لندن (اُردو پوائنٹ اخبارآن لائن۔5جون۔2016ء)وزیر اعظم نواز شریف نے حکومت کا بہترین چوتھا بجٹ پیش کرنے پر وزیر خزانہ اسحاق ڈار ان کی پوری ٹیم کو شاباش دی ہے ۔

(جاری ہے)

تفصیلات کے مطابق ہفتہ کے روز وزیر اعظم نواز شریف نے حکومت کی جانب سے آئندہ مالی سال بجٹ2016-17 پیش کئے جانے پر مبارکباد دی پیغام بھجوایا ہے ،وزیر اعظم نے وزیر خزانہ اسحاق ڈار کی کاوشوں کو سراہتے ہوئے کہا کہ غریب اور کسان دوست بجٹ پیش کرنے پر اسحاق ڈار اور ان کی پوری اقتصادی ٹیم شاباش کی مستحق ہیں جنہوں نے دن رات ایک کر کے مسلم لیگ (ن) کی حکومت کی جانب سے بہترین بجٹ پیش کیا ہے،وزیر اعظم نے کہا کہ پاکستان کی معیشت مضبوط سے مضبوط تر ہو رہی ہے اور انشاء اللہ ہماری حکومت اپنا آخری بجٹ 2017-18 میں اس سے بھی زیادہ ریلیف فراہم کرے گی۔