بنگلہ دیش کے دارالحکومت ڈھاکہ کے ڈپلومیٹک انکلیوکے علاقے میں مسلح افرادکی فائرنگ

2اطالوی سفارتکارہلاک،2پولیس اہلکاروں سمیت30سے زائدافرادزخمی ہوگئے حملہ آوروں نے 20غیرملکیوں کویرغمال بنالیا ڈھاکہ میں تمام سفارتی عملہ سمیت تمام پاکستانی محفوظ ہیں،دفترخارجہ

ہفتہ 2 جولائی 2016 09:53

ڈھاکہ (اُردو پوائنٹ اخبارآن لائن۔2جولائی۔2016ء)بنگلہ دیش کے دارالحکومت ڈھاکہ کے ڈپلومیٹک انکلیوکے علاقے میں مسلح افرادکی فائرنگ سے 2اطالوی سفارتکارہلاک،2پولیس اہلکاروں سمیت30سے زائدافرادزخمی ہوگئے جبکہ حملہ آوروں نے 20غیرملکیوں کویرغمال بنالیاہے۔پاکستانی دفترخارجہ کے مطابق ڈھاکہ میں تمام سفارتی عملہ سمیت تمام پاکستانی محفوظ ہیں ۔

میڈیاکے مطابق بنگلہ دیش کے دارالحکومت ڈھاکہ میں ڈیپلومیٹک انکلیوکے علاقے ایک ریسٹورنٹ پرمسلح افرادنے حملہ کردیا۔3گھنٹے سے زائدپولیس اورحملہ آوروں کے درمیان فائرنگ کاتبادلہ جاری رہا۔عینی شاہدکاکہناہے کہ 7سے زائدحملہ آوروں نے ریسٹورنٹ پرحملہ کیا،حملہ آوردستی بم،اوربھارتی خودکارہتھیاروں سے لیس تھے ۔ابتدائی رپورٹ کے مطابق حملہ آوروں کی فائرنگ کے نتیجے میں دواطالوی سفارتکارہلاک جبکہ 30سے زائدزخمی ہوگئے ۔

(جاری ہے)

دہشتگردوں نے 20سے زائدغیرملکی سفارتکاروں کوبھی یرغمال بنالیا۔بنگلہ دیشی خفیہ ایجنسی نے ڈیپلومیٹک انکلیومیں واقع ریسٹورنٹ سے 60غیرملکی سفارتکاروں کویرغمال بنانے کی اطلاع دی تھی ،عینی شاہدکاکہناتھاکہ ریسٹورنٹ میں موجود5حملہ آوروں نے دستی بم پھینک دیئے اورلوگوں کویرغمال بنالیابنگلہ دیش میں امریکی سفارتخارنے اپنے شہریوں کومحتاط رہنے کی ہدایت کی ۔

سیکورٹی فورسزنے علاقے کوگھیرے میں لیکرآپریشن کیاجبکہ سیکورٹی حکام نے میڈیاکوبراہ راست کوریج کرنے سے بھی روک دیا ۔دوسری طرف حملہ آوروں اورپولیس کے درمیان مذاکرات شروع ہوئے جس میں یرغمال بنائے گئے افرادکی رہائی کے بارے میں مذاکرات ہوئے لیکن ناکام ہوگئے، جس کے بعدآپریشن جاری ہے ۔عینی شاہدکے مطابق حملہ آوروں نے ہوٹل میں داخل ہوتے ہوئے اللہ اکبرکے نعرے لگائے،زیادہ تریرغمالیوں کاتعلق اٹلی اورارجنٹیناسے ہے۔علاوہ ازیں پاکستانی دفترخارجہ کاکہناہے کہ پاکستانی ہائی کمشنرسے رابطہ کیاہے ہائی کمشنرسمیت تمام عملہ محفوظ ہے

متعلقہ عنوان :